You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Здрави<br />
Семиња<br />
за<br />
секој ден<br />
Различните семиња, богати со витамини и минерали,<br />
протеини, есенцијални масла и ензими, спаѓаат во<br />
висококвалитетна исхрана. Сè почесто разни видови<br />
можат да се најдат во продавниците за здрава храна,<br />
а доаѓаат во различни бои, големини и форми. Освен<br />
добропознатите семиња од тиква, сончоглед, сусам,<br />
сè почесто се користат и други карактеристични<br />
семиња.<br />
Семе од хелда<br />
Многумина мислат дека хелдата е житарка, но таа всушност<br />
претставува семе од фамилијата растенија поврзани со рабарбарата.<br />
Хелдата претставува природен извор на минерали и витамини, а има<br />
и висококвалитетни протеини, бидејќи содржи осум есенцијални<br />
аминокиселини, вклучувајќи ги и лизин и аргинин. Често се користи<br />
како алтернатива за ориз или наместо овесна каша, а освен во<br />
зрнеста форма се продава и сомелена во брашно. Исто така, може<br />
да се користи наместо житарки за појадок или, пак, да се додаде во<br />
леб, крекери, гранола и колачи.<br />
Семе од киноа<br />
Киноата била една од најважните прехранбени продукти кај<br />
Индијанците и Инките. Инките ја нарекувале „златно зрно“. Не<br />
содржи глутен и претставува природен извор на витамин Б6 и<br />
минерали, а заедно со богатата содржина на растителни влакна и<br />
ниското ниво на масти дава чувство на ситост. Може да се искористи<br />
наместо фиде, во салати и во разни десерти, како палачинки, вафли,<br />
мафини. Најчесто служи и како замена за ориз и тестенини.<br />
Семе од чиа<br />
Семето чиа потекнува од јужниот дел на Мексико и Централна<br />
Америка. Се верува дека Маите и Астеките го користеле како извор<br />
на енергија во походите („чиа“ значи „сила“). Чиата е најбогатиот<br />
растителен извор на омега-3 масни киселини, омега-6 масни<br />
киселини, протеини и моќни антиоксиданси. Семето чиа може да<br />
се попрска врз која било храна, било да е смути или цеден сок,<br />
житарки, супи, сосови, печива и десерти.