You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Портрет на уредникот<br />
Силата на волјата<br />
Има еден посебен тип луѓе што ги среќавам низ<br />
животот, што изгледаат толку слободно и спокојно, што<br />
прават да се чувствувам стара. Ретки се и малобројни, но нивниот<br />
личен печат е многу силен и често се фаќам како размислувам за нив.<br />
Не мораш да ги познаваш добро, што и да прават остават впечаток<br />
дека целосно владеат со ситуацијата и имаат некоја заразна енергија<br />
поради која се прашувам кога станав олку малодушна. Не бараат<br />
одобрување, прифаќање, едноставно без да ти кажат збор, никакво<br />
објаснување, го гледаш нивниот пат што го одат најдостоинствено и<br />
да... изгледаат прекрасно во секоја пригода. Доволно беше да видам<br />
една фотографија од фотосесијата на Емилија Пендева, жената која<br />
е наша инспирација од насловната страница овој месец и да знам<br />
дека е токму таков човек. Не поради нејзината необична професија,<br />
не поради многуте награди што ги има добиено како тату-артист и<br />
не поради тоа што е толку прекрасна и несекојдневна. Туку поради<br />
нејзината јасна цел, нејзината упорност и љубовта што секојдневно ја<br />
внесува во работата, нејзините гестови на хуманост и добра волја што<br />
ненаметливо, секојдневно ги прави за многу луѓе, за животни, за сите<br />
што им треба помош.<br />
Во овој број имавме можност да поразговараме и со две жени, Ленче<br />
Здравкин и Мерсиха Смаиловиќ, што исто така ја имаат зацртано истата<br />
цел и секојдневно чекорат кон неа со натчовечка упорност и сила. Во<br />
ова време на глобално светско лудило, да бидат гласот на хуманоста и<br />
љубовта, да ја шират помеѓу илјадниците бегалци и да се цврст доказ за<br />
чист алтруизам. Секојдневно да се сведоци на болка, на страдање, на<br />
вистински пекол, а веќе утредента да имаат сила да се вратат на истото<br />
место, уште порешителни и поупорни.<br />
Уште еден доказ за упорност и силина на човечката волја е приказната<br />
на Наташа Деспотовска Димитриевска и нејзината борба за здравјето<br />
на нејзиното дете. Од нејзиното искрено интервју зрачи длабока болка,<br />
но нејзината решителност да направи буквално сѐ за да му помогне<br />
на своето дете покажува дека кога љубовта е во прашање човечката<br />
издржливост постојано ги поместува границите.<br />
На страниците на „Портрет“ овој месец ќе најдете многу вакви луѓе.<br />
Некако случајно испадна во месецот на пролетта да имаме вакви силни<br />
и впечатливи карактери, луѓе-носители на промени, чиешто дејствување<br />
е вистински пролетен ветар за сите нас. Мене ми е доволна нивната<br />
сила и упорност да се чувствувам подобро.<br />
Ружица Антиќ<br />
Илустрација: Жарко Чулиќ<br />
9
Change language