Create successful ePaper yourself
Turn your PDF publications into a flip-book with our unique Google optimized e-Paper software.
Семеен портрет<br />
ПРИНЦОВИТЕ НЕ СЕ САМО ОД БАЈКИТЕ<br />
И ЉУБОВТА НЕМА САМО СРЕЌЕН КРАЈ<br />
Пишува: Џејлан Рустемоска<br />
ПОРТРЕТ НА ЉУБОВТА НА ПРИНЦОТ ЧАРЛС И ЛЕЈДИ ДИ<br />
Љубов... што и да значи тоа“ е реакцијата на принцот<br />
Чарлс кога Дајана му повторува колку многу го<br />
сака и дека прифаќа да му биде жена. Но, за<br />
некој што е израснат во британското кралско семејство<br />
покажувањето емоции е знак на слабост и е излишно. На<br />
чинот на запросување му недостига очекуваниот романтичен<br />
тон, повеќе личи на разумен договор, како и целата нивна<br />
претходна историја. Се познаваат од деца зашто семејствата<br />
им биле често во контакт, но ќе поминат многу години<br />
пред Чарлс да забележи дека малечкото русокосо девојче<br />
пораснало доволно за да биде достојно друштво на еден<br />
принц. Средбите им се полни со формалности и придружба,<br />
а целта е јасна. Принцот треба да се ожени и треба да<br />
се најде сопруга која ќе ги има сите квалитети за идна<br />
наследничка на тронот.<br />
Дајана се вкопува во сликата. Англичанка од благородничко<br />
потекло на неполни дваесет години, која во моментот<br />
работи како воспитувачка во градинка. Има кристално чисто<br />
минато, пријатен, ненаметлив изглед и широка насмевка<br />
што го отсликува нејзиниот слободен дух кој само што не<br />
стапнал во кафезот наречен кралски дворец. Чарлс има 32<br />
години и е идниот престолонаследник на кралството што<br />
во моментот ја живее својата постиндустриска декаденција,<br />
придружена од општествени безредија и незадоволство.<br />
Само свадба би го спасила имиџот на монархијата и би го<br />
пренасочила вниманието на јавноста. Во февруари 1981<br />
година британскиот весник „Тајмс“ официјално ја најавува<br />
нивната свршувачка, а Дајана се преселува во кралската<br />
палата, заменувајќи го нејзиниот дотогаш совршено<br />
едноставен живот со нов, строго регулиран со правилник<br />
стар со генерации. Колку може да биде тешко за девојка која<br />
првпат е вљубена?! Не е од голема утеха советот на Грејс<br />
Кели на првото официјално појавување на Дајана во јавност:<br />
„Не грижи се. Понатаму станува само потешко“. Иако<br />
новиот статус вклучува постојано внимание на таблоидите,<br />
одмерени гестови, пристојна облека и толеранција на сите<br />
отсуства на свршеникот, ентузијазмот не спласнува. Играта<br />
само што почнува.<br />
Свадбата се одржува на 29 јули 1981 година и е еден од<br />
настаните што се дел од колективната меморија. Катедралата<br />
„Свети Павле“ е преполна со гости од високото општество,<br />
улиците на Лондон вријат од луѓе желни барем на миг да<br />
ги видат младоженците, а уште милиони гледачи низ цел<br />
свет пред ТВ-екраните го следат настанот во живо. Бајка е<br />
88