Create successful ePaper yourself
Turn your PDF publications into a flip-book with our unique Google optimized e-Paper software.
Мозаик<br />
РАСПОЛОЖЕНИ<br />
ЗА ДОБРА КНИГА<br />
„КАКО ДА СЕ САКА“ – ОШО [ТРИ]<br />
Одговарајќи на најчестите прашања, Ошо ги споделува своите нови начини<br />
за сакање што ќе нè научат да го победиме стравот од самотија, да се<br />
ослободиме од очекувања, правила и барања, да сакаме без зависност,<br />
да го победиме своето его за да ѝ се предадеме целосно на љубовта, да<br />
бидеме целосно присутни во врската, да станеме животен сопатник крај кој<br />
другиот ќе продолжи да се развива, да го одржуваме пламенот на љубовта.<br />
„Како да се сака“ нè инспирира одново да ѝ ги отвориме вратите на љубовта<br />
и да ја доживееме радоста на споделувањето.<br />
„ГЕРТРУДА“ – ХЕРМАН ХЕСЕ [ЃУРЃА]<br />
Според Херман Хесе, она што вистински го сакаме, можеме и да го<br />
постигнеме. Така, младиот Кун детската љубов кон музиката ја претвора<br />
во своја професија, па музиката му станува верна придружничка во текот<br />
на целиот негов живот. Но, за жал, тој нема толку среќа и во љубовта.<br />
Жената која ја сака се мажи за неговиот најдобар пријател... Сепак, и<br />
по сите животни трагедии, таа за него останува најубавата песна што<br />
одекнува чисто и гласно во неговите сништа.<br />
„ОДМАЗДА“ – ЈУ НЕСБЕ [ТРИ]<br />
Уште еден грабеж на банка во центарот на Осло и нова жртва. Случајот му<br />
е доделен на вишиот инспектор Хари Хуле. Тој добива и нова партнерка,<br />
ќерка на легендарен полицаец кој и самиот загинал од ограбувач на банки.<br />
Во меѓувреме, сликарката Ана – старата љубов на Хари – е најдена мртва во<br />
нејзиниот заклучен стан, токму ноќта по неговата посета...<br />
И само што ќе ги затворат случаите како решени – нов грабеж на банка, нова<br />
жртва и нови, неочекувани докази. Дали навистина одмаздата е таа што ги<br />
движи луѓето? И што се случува кога двајца браќа ќе се вљубат во иста жена?<br />
„ТРАЧ“ – ЕЛИН ХИЛДЕРБРАНД [АНТОЛОГ]<br />
Меделин Кинг и Грејс Панцик се најдобри пријателки на кои им завидува цел<br />
град поради сето она што го имаат – совршени бракови, прекрасни деца,<br />
заеднички вечери во недела навечер. Сепак, ова лето мириса на промена. А,<br />
доколку во Нантакет сакаат нешто повеќе од коктели на плажа на зајдисонце,<br />
тоа е – добар трач. И додека Грејс и Меделин се обидуваат да ги поправат<br />
работите, можно е вистината да биде полоша и од трачот. Ова е прекрасна<br />
книга за плажа од „кралицата на летните романи“.<br />
122<br />
Не запирајте со читањето тука: испратете ни е-пошта со вашите<br />
податоци на contact@portretmag.com и освојте една од книгите погоре.