You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
На „ти” со<br />
ВГИ: Желбата за власт! Сè е концентрирано на моќта на парите<br />
и докажувањето на тоа кој што направил, додека обичниот<br />
човек се соочува со суровата реалност на нестабилност.<br />
АЈ:„Кукавиците умираат повеќе пати пред нивната смрт,<br />
храбрите го чувствуваат вкусот на смртта само еднаш“ –<br />
Вилијам Шекспир<br />
- Што ве мотивира да бидете храбри?<br />
ВГИ: Пркосот во мене што ме води да го кажам она што го<br />
мислам, преку музиката, гардеробата, пишаниот збор... Сè<br />
е личен избор. Храброста е лудост во денешно време, но<br />
верувам дека со своите постапки сум инспирација на многу<br />
луѓе. Тоа е мисијата на јавните личности.<br />
АЈ: Што е најголемо предавство за вас?<br />
ВГИ: Да ги издадеш или да ги изневериш своите деца. Нешто<br />
што си го создал на овој свет, да го изгубиш. Не случајно се<br />
вели дека децата се нашето огледало и затоа мојата најважна<br />
мисија е да ги воспитам моите деца во духот на вистинските<br />
вредности. Тие веќе и сами ги препознаваат, на што сум<br />
особено горда.<br />
АЈ: Од културната трпеза со мени Шекспир, која театарска<br />
изведба или кој филм или... ви оставиле најсилен впечаток?<br />
ВГИ: „Отело“ е мојот избор. Моќна визија на музика во рацете<br />
на единствениот Верди. Ликови како Дездемона, Отело и<br />
Јаго, кои се параметар за различност, карактерна обоеност<br />
и музичка инспирација. Во операта единствено нешто што<br />
те води за квалитетно создаден лик е текстот. Без него нема<br />
приказна.<br />
АЈ: „Љубовта се раѓа, живее и умира во очите на човекот“ –<br />
Вилијам Шекспир<br />
- Љубовта е?<br />
ВГИ: Љубовта е двигател. Љубовта е серотонинот на животот.<br />
Знае да биде сурова, болна, ама секогаш е уникатна. Сиромав<br />
е оној човек што не ја почувствувал барем еднаш.<br />
АЈ: Што читате моментално?<br />
ВГИ: Во моментов во раце ми се вртат афоризми што ме<br />
опуштаат. Еве, еден ќе споделам со вас, од Дидро: Долго<br />
постоела титула на дворски шут, но никогаш не постоела<br />
титула на дворски мудрец.<br />
АЈ: Шекспир е единствениот автор кој успеа клучната<br />
егзистенцијална дилема на човекот да ја сведе на шест збора<br />
– Тo be or not to be!<br />
- Како ја разбирате оваа мисла?<br />
ВГИ: Simply the best! Што би рекла Тина Тарнер. :) Големите<br />
мисли секогаш се наједноставни.<br />
АЈ: Кој од денешните автори, според вас, е новиот Шекспир<br />
или Шекспир на 21 век?<br />
ВГИ: Единствениот Петре М. Андреевски.<br />
Гоце Смилевски, писател<br />
Шекспир – метафизички<br />
еквивалент на биг бенгот<br />
AJ: Каква е вашата (интимна) приказна со Шекспир?<br />
ГС: Се восхитувам на титанскиот труд на Драги Михајловски да ги<br />
преведе сите драми и сонети на Шекспир на македонски јазик. Дури<br />
и кога се обидувам да го читам Шекспир на англиски, секогаш го<br />
имам до себе тој огромен том што е производ на драмскиот гениј на<br />
Шекспир и преведувачкиот подвиг на Михајловски. Кај мене постои и<br />
една постојана потреба да го стекнувам знаењето и директно, значи<br />
не само преку книга туку и на предавања. И така, пред година-две,<br />
речиси две децении откако дипломирав компаративна книжевност<br />
на Филолошкиот факултет во Скопје, појдов пак на факултет и<br />
ја замолив професорката Рајна Кошка да ми дозволи, заедно со<br />
нејзините тогашни студенти, да присуствувам на нејзините предавања<br />
за Шекспир. Бев и останувам фасциниран од професорската<br />
умешност/уметност на Рајна Кошка да го кондензира и да го пренесе<br />
своето сеопфатно познавање за Шекспир, светот во кој живеел, а<br />
воедно и да ги поведе студентите во длабоките пориви во ликовите,<br />
кон суштината изразена низ драмските дејства.<br />
21