You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Портрет филмски фаворити<br />
Во петтиот број на „Портрет“ прославуваме мини-јубилеј и наместо<br />
нови холивудски остварувања, ви предложуваме некои од нашите<br />
омилени филмови. Драми, анимирани, култни филмови... се<br />
решивме за еден филм што оставил најголем впечаток врз нас и<br />
што постојано се наоѓа на нашата топ 5 плеј-листа.<br />
ТАЊА ТОДОРОВСКА – LE FABULEUX<br />
DESTIN D’AMÉLIE POULAIN (2001)<br />
Мојот избор е „Чудесната судбина на<br />
Амелија Пулен“ или, уште подобро,<br />
само Амели... Па, што ако е романтична<br />
комедија? Тоа не ја прави помалку силна<br />
приказната за ексцентричната парижанка,<br />
која, иако е на своевидна „мисија“ да ги<br />
разубави животите на другите, живее во<br />
страв дека ќе умре во самотија. Прекрасен<br />
филм за надминување на сопствените<br />
стравови, за живеење и уживање во онаа<br />
реалност што е сега и тука и препуштање<br />
на сите животни задоволства... Бонус поени<br />
за одличната филмска музика, што го следи<br />
целиот филм од почеток до крај.<br />
РУЖИЦА АНТИЌ – SHARK TALE (2004)<br />
Не знам дали го сакам повеќе поради ликот на Оскар,<br />
симпатичната риба што на патот кон славата и парите,<br />
ја заборави вистинската љубов, што цело време му<br />
е пред очите; или поради Лени, преслатката ајкулавегетаријанец<br />
што постојано ги изневерува очекувањата<br />
на своето семејство и одбива да се однесува во<br />
согласност на нормите на морскиот свет. :) Сè на сѐ,<br />
цел филм е прекрасен зашто секој од нас може да се<br />
пронајде во него, без разлика на која возраст е.<br />
ДУШАН СТОЈКОВИЌ – ТHE BEACH (2000)<br />
Мојот избор е „Плажата“. Првпат го гледав во средно, некаде околу 2003 година кај другар дома,<br />
во опуштено опкружување. Тоа беше период во кој созревавме, период кога ги откривавме<br />
убавините на животот и слободата на младоста. Слично како кога Леонардо ја откри Плажата<br />
и малото општество. Ако некој го нема гледано нека не размислува, а и ако го има – секогаш<br />
може пак...