You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
На „ти” со<br />
Проф. Рајна Кошка - Хот,<br />
шекспиролог<br />
Деконструкција на<br />
шекспировата TO BE OR<br />
NOT TO BE – од Ѕвездени<br />
патеки до Симпсонови<br />
АЈ: Каква е вашата (интимна) приказна со Шекспир?<br />
РКХ: Почетокот на таа приказна е поврзан со моето детство<br />
и затоа денес ми звучи малку бајковито. Во семејната куќа<br />
во Битола (денес таа не постои) едно лето на таванот што го<br />
паметам како место што ширеше мир, како дете на возраст од<br />
десет години наидов на „Шекспир во приказни“ со потписот<br />
на татко ми. Станува збор за прозни верзии на избор од<br />
драмите на Шекспир наменети за деца што ги напишале<br />
братот и сестрата Чарлс и Мери Лем во 19 век. Денес ги<br />
имаме во македонски превод, а во воведот тие нагласуваат<br />
дека некои од драмите не се соодветни за девојчиња.<br />
Сепак, ги прочитав. Од моите први денови на Катедрата за<br />
англиски јазик и книжевност при Филолошкиот факултет<br />
„Блаже Конески“ ги обработував со студентите сите<br />
жанрови и периоди во англиската книжевност, но со текот<br />
на времето се насочив кон драмата, а потоа и кон Шекспир.<br />
Во овој контекст, сакам да ја споменам проф. д-р Иванка<br />
Ковилоска-Попоска, мојата професорка која веќе не е со<br />
нас, зашто таа е основоположник на шекспирологијата во<br />
Македонија (во англофонскиот академски свет познато како<br />
Shakespeare Studies). Сценските настапи на студентите кои<br />
произлегуваат од она што го работиме на часовите за мене<br />
значат голема сатисфакција, зашто така во комуникацијата<br />
нема дистанца, заеднички размислуваме, а Шекспир е тој<br />
што нè поттикнува на аналитичко, синтетичко и критичко<br />
размислување. Драмата е дијалог, а и уметноста воопшто.<br />
АЈ: „Љубовта се раѓа, живее и умира во очите на човекот“ –<br />
Вилијам Шекспир<br />
- Љубовта е?<br />
РКХ: Наведениот цитат е, всушност, еден вид парафраза<br />
на стиховите од комедијата „Венецијанскиот трговец“. Во<br />
сцената главниот женски лик треба некако да го „заобиколи“<br />
условот што ѝ го остава татко ѝ во аманет, а тоа е дека ќе<br />
може да се омажи само за оној додворувач кој ќе погоди во<br />
кое ковчеже е нејзиниот портрет. Во песната се употребува<br />
зборот fancy, што значи „краткотраен љубовен занес“, а не<br />
„љубов“. Токму таквиот кус занес, а не вистинската љубов,<br />
се раѓа во очите и се храни со погледот (не со она што ни<br />
го кажува срцето и душата), зашто кога проценуваме само<br />
со погледот, ја гледаме само надворешноста и затоа, вели<br />
Шекспир, во очите таквиот вид љубов брзо и умира. Тогаш<br />
не се случува вистинска љубов, туку само краткотраен занес.<br />
А што е љубов? Подготвеноста и способноста докрај и без<br />
отстапки за некого или во име на нешто да се откажеш од<br />
себе, своето јас и својот идентитет. Некој можеби ќе каже<br />
дека тогаш од тебе како личност не останува ништо, но јас<br />
не мислам дека е така.<br />
АЈ: Од сурова емоција, до рафинирана мисла. Од љубов и<br />
омраза, желба за власт и конфликт, моќ и дискриминација...<br />
Кои од вечно актуелните теми на Шекспир се најактуелни<br />
во нашето општество денес?<br />
РКХ: Односот меѓу моќта и власта, толеранцијата и<br />
нетолеранцијата (верска, расна, политичка...) и пред сè,<br />
прашањето на родот, родовиот идентитет и родовите<br />
стереотипи. Во времето на ренесансата на жените не им<br />
било дозволено да се појават на сцена, така што женските<br />
улоги ги играле млади момчиња додека не им мутирал гласот.<br />
Во трагедиите големите хероини како единствено оружје ја<br />
имаат „храброста на својот јазик“, а секој нивен обид од<br />
маргините да се придвижат кон центарот завршува, како<br />
што вели феминистичката теорија, како „мртвиот центар“<br />
на трагедијата. Ова, пак, го поттикнува и прашањето дали<br />
Шекспир бил протофеминист или женомразец, дали бил<br />
субверзивен или конформист. Истите прашања во однос на<br />
родовите идентитети си ги поставуваме и денес. Ова значи<br />
дека Јулија била машко...<br />
АЈ: „Кукавиците умираат повеќе пати пред нивната смрт,<br />
храбрите го чувствуваат вкусот на смртта само еднаш“ –<br />
Вилијам Шекспир<br />
- Што ве мотивира да бидете храбри?<br />
19