You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Wonder Womеn<br />
Само и Самах Умар се двете сестри Сиријки кои имаа тешка<br />
голгота, пешачејќи со денови низ Македонија изгубени<br />
со своите браќа, братучеди и нивниот зет по патиштата.<br />
Малтретирани, тепани од криминални групи и онесвестени<br />
во тешка здравствена состојба паднати во ендек, беа<br />
најдени од мојот пријател Б. Г. некаде пред Велес. Тој на<br />
свој ризик ги качи во автомобилот и ги донесе кај мене.<br />
Што да видам, искинати, помодрени, едвај дишеа, се тресеа<br />
и не можеа ништо да зборуваат. Прво се погрижив да ги<br />
вратам во живот, можеби не многу професионално, но не ми<br />
преостануваше ништо друго. Се консултирав со пријатели,<br />
лекари, медицински сестри, обезбедив од првата аптека сè<br />
што ме советуваа и за неколку часови ја видов насмевката<br />
на нивните лица. Првата реченица што ми ја кажаа беше:<br />
„Господ нè испрати кај тебе, кога ја видовме куќава како<br />
да си ја видовме нашата куќа, така ни личеше“. Додека ги<br />
средував, мојот сопруг и синовите се погрижија да се поврзат<br />
со другите од семејството, да испратат координати, локации,<br />
за да ги најдеме. Ги сместив во темен простор колку што во<br />
тоа време условите ми дозволуваа, бидејќи имаа повреди<br />
на главите, за да се одморат и да се соземат. Веќе следниот<br />
ден, наспани и одморени, можевме да поприкажеме и да<br />
им кажам дека за некој час ќе им пристигнат роднините,<br />
беа пресреќни. Кога семејството се собра во мојот двор<br />
на среќата ѝ немаше крај, солзи, смеа, врескање и моето<br />
семејство многу се потресе. На ладниот бетон во нашиот<br />
двор, заедно го изедовме скромниот бегалски ручек. Требаше<br />
да се исправам уште пред еден предизвик, сите заедно да<br />
се пренесат до Куманово и да продолжат за Србија. Ми<br />
помогна нашиот чичко Славе, и Самах со семејството веќе<br />
за два часа беа во Куманово. За десетина дена сестрите веќе<br />
се јавија од Германија, благодарни за сè што сторивме за<br />
нив. Постојано контактиравме, но во ноември 2015 година се<br />
јавија и ми пишаа дека нивната мајка и уште едната сестра<br />
Јасмин со две малечки дечиња се пристигнати до Идомени<br />
и немоќни да стигнат до Македонија. Ги пречекав на<br />
границата и се погрижив за нив. Кога се видовме и кај мене и<br />
кај нив постоеше чувството како да се познаваме отсекогаш.<br />
Заминаа со возот, а најголемата среќа беше кога ми пратија<br />
семејна фотографија, сите на куп. Зар има поголема радост<br />
од тоа да успееш да собереш едно многучлено семејство да<br />
бидат заедно. За овие три години се соочив со многу вакви<br />
судбини.<br />
Постојат многу предрасуди во врска со целата ситуација,<br />
многу различни мислења за мигрантите како луѓе, за<br />
нивното настојување да стигнат до западноевропските<br />
земји и слично. Вие велите: „Никогаш не сум се плашела<br />
од нив, почесто тие се плашеле од мене“. Какво е вашето<br />
искуство со нив?<br />
Гледате како страдаат, се мачат, не останало ништо од<br />
нивното огниште, бараат спас со по неколку деца за рака и<br />
еден ранец на нивните рамена. Бремените жени се породуваат<br />
по патишта, тука нема плашење, тука мора сите заедно да ги<br />
поместуваме границите на хуманоста, бидејќи сите сме исти<br />
пред Бог. На нивниот пат до Македонија има многу пречки,<br />
многу криминални групи, многу лаги и многу ветувања. Затоа<br />
постои малку недоверба кај нив, но кога ќе им пријдам и ќе<br />
им кажам дека сакам да им помогнам, тие го чувствуваат тоа.<br />
За тоа велам дека секогаш Господ ни дал две<br />
раце, со едната да си помогнеме сами, а со<br />
другата рака да им помогнеме на другите.<br />
Мајките на овие деца се истоштени, болни,<br />
имаат повеќе деца, патуваат со месеци, често<br />
колабираат. Една млада мајка од дваесетина<br />
години своето прво дете, ако го родила некаде<br />
по пат, таа е уште кревка и незакрепната, уште<br />
крвави и секако дека ѝ е потребна помош. И јас<br />
сум мајка, баба и не може да ми биде сеедно.<br />
Нивните судбини, нивните ликови никогаш не ги<br />
заборавам и секогаш сум во исчекување, чекам<br />
некој внатрешен глас да ми каже дека безбедно<br />
пристигнале онаму каде што наумиле, нивната<br />
порака што ќе ми стигне од далеку за мене<br />
значи многу.<br />
Добитник сте на наградата од граѓанската асоцијација<br />
„Скопјанката Мајка Тереза“, како и признание за хуманост<br />
од УНЦХР. Дали вашите блиски роднини и пријатели се<br />
инспирирани од вас? Дали некои ви се приклучија и доаѓаат<br />
со вас или како било помагаат?<br />
Секој има право на свој начин да ја толкува бегалската<br />
криза. Го ценам секое мислење, но многу луѓе што ја следат<br />
состојбата само на телевизија сум се потрудила да ги<br />
однесам во „Винојуг“ и лично да се уверат со состојбата,<br />
да се дружат со бегалците и да им помагаат. Речиси сите го<br />
смениле своето размислување. Има луѓе од мојот град, па и<br />
од цела Македонија, кои секојдневно ми испраќаат алишта,<br />
обувки, храна, за сѐ тоа потоа да го доставам до бегалците, на<br />
сите сакам да им се заблагодарам. Секојдневно се обидувам<br />
на македонската јавност да ѝ ја објаснам состојбата онаква<br />
каква што е реално, често настапувам на трибини и говорам<br />
дека човечкиот живот нема цена, да го зачуваме човечкото<br />
достоинство, да го зачуваме мирот и спокојството, како во<br />
нашите семејства, така и во целиот свет.<br />
Вашата моментална посветеност бара од вас да ги трошите<br />
сите атоми на психо-физичка сила со кои располагате до<br />
крајни граници. Дали пред бегалскава криза знаевте дека<br />
оваа ваша лична сила и потреба да помагате на другите и<br />
правите добри дела може да земе олкави размери?<br />
Секогаш околу мене има некој кому му е потребна помош<br />
од поголеми или помали размери, но тоа не значи дека<br />
и мене некогаш не ми е потребна помош. На сите ни е<br />
потребна помош од каков било вид. Да си помагаме едни<br />
на други. Сиромаштијата не ни е одредена судбина од Бога,<br />
Бог не ја создал сиромаштијата, ние, народот, ја правиме<br />
сиромаштијата, затоа што не знаеме меѓусебно да делиме.<br />
Често им говорам на сите околу мене... Тоа што го правиш<br />
ти, јас не можам да го правам. Тоа што го правам јас, ти не<br />
можеш да го правиш, но заедно можеме да направиме многу<br />
убави работи.<br />
31