Create successful ePaper yourself
Turn your PDF publications into a flip-book with our unique Google optimized e-Paper software.
шеќер. Е, сега, на пример, веќе втора година по ред, фондот,<br />
односно државата, ни набавува гликомери „медсајн“, што<br />
се вистински технолошки отпад, бидејќи воопшто не мерат<br />
точно. Иако сите дијабетичари се жалат, плачат, нема кој<br />
да нѐ чуе. Од иста капка крв, оној гликомер што ни следува<br />
мери 20 гликемија, а оној за кој самите купуваме ленти мери<br />
9. Замислетe што значи тоа за еден дијабетичар – колку<br />
инсулин е потребно да стави и како да пресмета? Замислете<br />
како им е на оние новите во светот на дијабетесот кај нас,<br />
особено за малите деца. Не дај боже некој да падне во тешка<br />
хипогликемична кома. Страшно!<br />
Затоа, засега секој се снаоѓа како знае и умее – јас користам<br />
и друг вид гликомер, а лентите за него ги набавувам или со<br />
помош на други дијабетичари или, кога нема, од аптека.<br />
Едно кутиче ленти од ова второ апаратче е 900 денари за<br />
педесет ленти што ги трошиме, со штедење, за една недела.<br />
Сега, Министерството за здравство најави нов тендер, полош<br />
од претходниот со понеквалитетни инсулини и со истите<br />
гликомери – и ние имаме намера овој пат да ги запреме да не<br />
нѐ третираат како експериментални животни. Пред неколку<br />
месеци формиравме и ново здружение БУВ, а со единствена<br />
цел за заштита и едукација на дијабетичарите во Македонија.<br />
Во моментов, сета активност преку здруженијата за дијабетес<br />
во државата е насочена кон недостигот на инсулин. Инсулинот<br />
за дијабетичарот е живот и вакво нешто е недозволиво дури<br />
ни во земјите од третиот свет.<br />
Вашиот личен случај е доказ за тоа дека дијабетесот не го<br />
засега само оној што директно се справува со него туку и<br />
сите членови од семејството. Како ваквата состојба влијае<br />
врз поединците од семејството, особено врз вашата постара<br />
ќерка? Каква порака би им испратиле на семејствата кои се<br />
соочуваат со иста или слична проблематика?<br />
Жртви се потребни од секого, особено кога станува збор за<br />
мало дете, како во нашиот семеен случај. Мајката го презема<br />
најголемиот товар, ама тоа не значи дека одговорности нема<br />
и кај другите. Си помагаме, што да ви речам, некој пат ќе се<br />
испокараме, децата мораат да се воспитуваат, некогаш ќе<br />
се утешиме, ама никогаш не нѐ напуштила волјата дека ова<br />
искушение мора да се прифати и да се бориме со него и ќе<br />
го поминеме онака како што треба да се помине. Марија,<br />
мојата ќерка, иако од братот ја дели разлика од десет години<br />
е секогаш тука кога ми треба, двајцата се мошне поврзани,<br />
се обожаваат така што немам некој проблем. Таа е онаа што<br />
кога ќе заборавам, ќе ме потсети: ќе мине, ќе се најде лекот и<br />
сѐ ќе биде супер, џабе се нервираш. Од ова детско и наивно,<br />
има ли нешто поискрено, повистинито?<br />
Тоа е тоа што би им го препорачала на сите родители: верба<br />
и надеж! И многу љубов!<br />
За крај, би ве прашала која е главната мисла што ве води<br />
напред во соочувањето со состојба како што е дијабетесот<br />
тип 1, за која знаете дека нема лек? Како родители и како<br />
семејство, како се трудите да му помогнете, да го насочите<br />
вашиот син на патеката во животот во која ќе знаете дека<br />
нема да пропушти ништо, ќе расте и ќе се развива како и<br />
неговите врсници и едноставно – ќе научи да живее со<br />
дијабетесот како нераскинлив дел од себе?<br />
Најважно од сѐ, според моето искуство, е волјата, искрената<br />
и силна волја да се победи проблемот не преку негово<br />
занемарување, туку со негово прифаќање, при што го<br />
сведувате во рамки на нормалност. И што е најважно, да го<br />
воспитате детето дека тоа не е хендикеп, туку една состојба<br />
што ништо не менува во однос на неговиот живот, амбиции,<br />
стремежи. Искрено, светот, особено западниов, на полето<br />
на дијабетесот е отиден светлосни години пред нас овде.<br />
Ние дури се враќаме назад. И навистина се надевам дека<br />
овие наши деца ќе имаат среќа во некоја блиска иднина да<br />
ги користат придобивките на науката што граби напред и во<br />
областа на дијабетесот.<br />
39