Create successful ePaper yourself
Turn your PDF publications into a flip-book with our unique Google optimized e-Paper software.
Безброј<br />
работи<br />
како<br />
дел од<br />
плетено<br />
парче<br />
Наташа<br />
Костадиновска<br />
Пишува: Марта Таневска<br />
ШАЛОВИ, КАПИ, БЕБЕШКА ОБЛЕКА, ИГРАЧКИ,<br />
УКРАСИ, РАЗНИ ВИДОВИ НАКИТ, СЕТО ТОА<br />
РАЧНО ИЗРАБОТЕНО ОД ШАРЕНА ВОЛНИЦА,<br />
СЕ ДЕЛ ОД АСОРТИМАНОТ НА „ПЛЕТЕНИ КОЛАЧИЊА“.<br />
ЗА ТАЛЕНТИРАНАТА НАТАША КОСТАДИНОВСКА, КОЈА<br />
Е ЗАСЛУЖНА ЗА ИЗРАБОТКИТЕ, НАЈИНТЕРЕСНО Е<br />
КОМБИНИРАЊЕТО НА РАЗНИ БОИ И ПРОЕКТИТЕ ОД<br />
ВОЛНИЦА ШТО ГИ ПРАВИ ПРВПАТ.<br />
Вашите шарени изработки од волница предизвикуваат голем<br />
интерес и се навистина уникатни. Како почна вашата приказна<br />
со „Плетени колачиња“? Како дојдовте до идејата за името?<br />
Најчесто се обидувам сè што ќе изработам да биде во шарени<br />
нијанси и комбинации, така излегуваат интересни работи што<br />
се практични и убави за око. Го сакам моментот кога ќе треба да<br />
направам некоја одредена комбинација од бои, бидејќи тогаш<br />
ги вадам волниците во сите бои и почнува креативниот процес<br />
на комбинирање и создавање на финалниот производ. Првпат<br />
околу 2009 година имав ситни продажби преку мојот профил, а<br />
„Плетени колачиња“ настана пред околу 5 години, кон крајот на<br />
2010 година. Не размислував многу пред да ја отворам страницата<br />
на „Фејсбук“ и на некој начин да си оформам бренд. Сè беше<br />
спонтано, a за името заслуга има плетењето и мојата љубов кон<br />
печењето колачиња.<br />
Плетењето е занает што бара посветеност, труд и посебно<br />
внимание. Како научивте да плетете?<br />
Секако, без труд и посветеност немаше да стигнам дотука.<br />
Секојдневно се надградувам, бидејќи цело време има нови<br />
плетки, нови модели, што сакам да ги испробам и да ги научам.<br />
Првпат се заинтересирав за плетење на 17 години по иницијатива<br />
на мајка ми, која, пак, научила да плете исто од нејзината мајка,<br />
мојата баба, а првото парче што го исплетов е капче што уште си<br />
го носам. Не се сеќавам дали од мала сум пројавувала интерес за<br />
плетење, но ми текнува дека цело време се обидував да дојдам до<br />
ножиците и до копчињата.<br />
Од каде добивате инспирација за изработките и кои други<br />
материјали ги користите?<br />
Инспирација добивам најчесто од интернет, некогаш сама си<br />
смислувам шеми и плетки, а исто така разгледувам и многу<br />
инспиративни списанија за плетење што ми се омилени во<br />
последно време. Материјали има многу, плетам со волна, акрилна<br />
волница, памучен конец, сум плетела и со коноп. Има безброј<br />
работи што ги гледаме околу нас што можат да станат дел од<br />
некое плетено парче.<br />
Кои производи ви се најбарани? Што најмногу им се допаѓа на<br />
купувачите и како најчесто ви нарачуваат изработки?<br />
Секоја година има побарувачка на различни работи. Минатата<br />
година најпорачувани ми беа бебешките фустанчиња, а оваа<br />
година играчките од памучен конец. Се нарачува преку порака на<br />
страницата на „Фејсбук“, каде што се договараме со купувачот за<br />
деталите.<br />
Колку се смени од почетокот, па досега вашата работа, колку<br />
напреднавте во изработките?<br />
Многу се имам променето, нормално на позитивно. Плетките<br />
станаа посложени за да имаат поубав изглед, затегнатоста<br />
на конецот ми е константна и ретко правам грешки во текот на<br />
работата. Продолжувам секојдневно да напредувам и уживам во<br />
тоа, убаво е кога човек учи нешто ново речиси секој ден.<br />
Дали купувачите ви испраќаат фотографии или идеи за<br />
изработка и која нарачка досега ви била поразлична од другите?<br />
Да, некогаш ми испраќаат и фотографии ако сакаат нешто што<br />
немам изработено досега и со најголема радост и нетрпение ги<br />
почнувам оние проекти што се уникатни и што ги работам првпат.<br />
Има нешто убаво во очекувањето да го завршам тоа парче и да<br />
видам како ќе изгледа на крајот. Најинтересна нарачка ми била<br />
за долна облека, но морав да одбијам затоа што претходно сум<br />
немала искуство со такво плетење, што бара посебен конец и<br />
начин на изработка.<br />
Досега сте учествувале на неколку базари. Колку учеството ви<br />
помага полесно да дојдете до нови купувачи и до нови идеи?<br />
На базарите секогаш сум поминувала убаво, се запознаваат<br />
одлични луѓе со кои можете да ја споделите креативноста и<br />
интересните идеи. Таму се добива можност да се допре до<br />
купувачите на друг начин, можат да ги видат плетените работи и<br />
да почнат дискусија за одредени производи очи в очи, за разлика<br />
од разговорот преку пораки на „Фејсбук“, каде што не можат да го<br />
видат и да го опипаат тоа што го купуваат.<br />
Кој е вашиот план за „Плетени колачиња“ во иднина?<br />
Планирам да отворам продавница или ателје, место за креативци,<br />
место каде што моето знаење ќе можам да го споделам и,<br />
нормално, ќе биде преполно со волници.