Portret Magazine No9

ЗАД АГОЛОТ Хип-Хоп [Скопје]
Иако не се баш нови, со нивниот последен албум, „Зад
Шпиунката“ (април 2016), Зад Аголот преминаа во една
друга лига на македонската хип-хоп сцена. Тие прераснаа во
музичари со концепт и вистинска посветеност кон квалитетот
на својот продукт (звучно и визуелно) и глас кој треба да биде
сфатен сериозно.
Од издавањето на новиот албум, па до денес се случија неколку
промо забави. Има ли некоја интересна случка поврзана со нив
што би ја споделиле?
Настан Х Пловдив. Бевме гости кај нашиот брат по рап - Dj Skill.
Вечерта идејќи накај клубот, видовме деца како играат би-бој,
со бумбокс со сè, со сите нишани. Бевме фасцинирани затоа
што кај нас би-бојот почнува и завршува со ромите.
Ги разминавме и после некое време приметивме дека нè следат.
Пријдоа децата, нè препознаа, се испоздравивме како прави
стари другари, извадија локален поздрав, ги викнаа нивните
пријатели би-боери, рапери со муабетот „Еј Зад Агл се тук" и на
крајот дури нè испоштоваа на настапот во Софија. Многу е јако
кога она што го правиш и пораката што сакаш да ја пренесеш
допира до места кај што не би помислил... не, стварно не би
помислил дека едното дете беше од Омск, Сибир!
На крајот на јуни го објавивте спотот за песната „За кого бијат
камбаните“. Спотот е колаж од филмови во кои темата се
балканските војни, а песната е своевидна антивоена химна.
Очигледно, песната е инспирирана од истоимената новела на
Ернест Хемингвеј. Судејќи според последните ваши ствари,
изгледа дека сте приврзаници на класичната литература.
Кои се трите книги-класици кои според вас се задолжително
четиво?
Песната ја напишавме минатата година, во мај, периодот кога
актуелни беа немирите во Куманово (што брзо заминаа под
тепихот, како да не постоеле). Рефренот е инспириран од
поемата на Џон Дон, а истовремено и од Ернест Хемингвеј. Антивоена
химна е добра фраза, ни се допаѓа. Ова е нов милениум,
каде луѓето имаат пристап до информации и не е тешко да се
заклучи дека честопати сме жртви на висока политика и туѓи
интереси, време е да еволуираме во помудри суштества.
Три класици кои би ги препорачале: „Така зборуваше
Заратустра“ – Ниче, „Демијан“ – Хесе и „Мојата борба“ – Хитлер.
Што е следно за екипата?
Периодов работиме на ново видео – „Мамата у книшка“. Кон
крајот на годинава, или почетокот на следната, од Зад Аголот
Продукција може да се очекува и првиот албум на Контра
Напад, кој е во финална фаза, вториот „Pick Up The Pieces”
на кој работат Даре и Баже и уште еден проект за кој нема да
откриеме ништо во моментов, само дека во план е да биде готов
септември или октомври.
111