Create successful ePaper yourself
Turn your PDF publications into a flip-book with our unique Google optimized e-Paper software.
АЈ: Велите – „Прво во природата на човекот е да плаче, а после<br />
да се радува“. Туѓите несреќи може брзо да ни станат блиски.<br />
Преку нив дознаваме и за себеси. Документарниот филм ја<br />
овозможува таа емотивна идентификација со судбината на<br />
другите, но тенка е границата на кокетирањето со патетика<br />
за да се изнуди емпатија и солзи. Како ја препознавате<br />
манипулацијата на филмското платно?<br />
ГТ: Многу лесно, веднаш го препознавам резот заради ефект,<br />
траењето на кадарот заради емпатија или мултиплицирањето<br />
на одредена емоција. Веднаш ги препознавам наметнатите<br />
режисерски манипулации со ликот, протагонистот и со вас<br />
интерактивно. Подвижната слика има клуч да отвори и да<br />
затвори многу врати и светови. Таа слика е виртуелниот бог,<br />
милостив и одмаздољубив во истовреме.<br />
АЈ: Да, а документарниот филм е сведок на времето! Што ќе<br />
остане запомнето од ова наше време-невреме?<br />
ГТ: Покажаните силни емоции на документарните сведоштва,<br />
нашите акции и мисии можеби мали, но важни во нашето маало,<br />
нашето работно место, нашата околина, во нашата земја...<br />
СОЗДАВАМЕ СВЕТ НА ЛАЖНИ „ИКОНИ“ И ФАЛСИФИКУВАЊЕ<br />
НА СЕКОЈДНЕВИЕТО. РЕВИЗИЈАТА ЌЕ НИ ЈА НАПРАВАТ<br />
ПРАВНУЦИТЕ.<br />
АЈ: Се сеќавам на една ваша изјава во интервју, каде што<br />
велите: „Дали си во Сарамзалино, во Скопје, Торонто или<br />
Дамаск, центарот на светот си ти! Социјалните мрежи отидоа<br />
премногу далеку во прикажувањето на реалноста во моментот“.<br />
На овие теми зборувавте и на форумот во Атина, каде што<br />
со вас на сцена беше и Дијана Ал Џераиди, директорката<br />
на фестивалот од светски формат, „Докс бокс“ од Дамаск,<br />
Сирија, и зборувавте за тоа што се случува кога актуелноста<br />
ќе ја надзборува реалноста, со акцент на граѓанската војна<br />
во Сирија, односно за видеовоајеризмот и видеоактивизмот.<br />
Каде се преплетуваат документаристиката и денешната (зло)<br />
употреба на новите медиуми и дигитални култури?<br />
ГТ: Колку добро паметите, Ана. Тоа се случува во сите сфери<br />
на живеењето. Субјективното надвладува, а не колективната<br />
одговорност. Заради таа негрижа и несовесност создаваме<br />
свет на лажни „икони“ и фалсификување на секојдневието.<br />
Ревизијата ќе ни ја направат правнуците.<br />
АЈ: Кои грдотии од светот би ги исекле со еден остар монтажен<br />
рез?<br />
ГТ: Алчноста, завидливоста, злонамерноста, насилството, сето<br />
она што го поседува човековата природа, а со законите на<br />
духовна цивилизација сме требале одамна да го отстраниме<br />
како туѓо тело и да ја отфрлиме таа кожа од нас. Да ја воведеме<br />
самокритиката како важна и корисна утринска лекција, секако<br />
насамо сам со себе. (се смее) Да ја негуваме почитта на<br />
различниот. Многу барам, ама ќе барам и понатаму.<br />
АЈ: Каков е вашиот став за папочната врска меѓу политиката и<br />
уметноста?<br />
ГТ: Вековен, но можно раскинлив. Треба согласност и од едната<br />
и од другата страна. Оваа врска е непотребен „загадувач“ на<br />
чистата уметничка креација, главна причина за проширување<br />
на озонската дупка во просторите на квалитетните културни<br />
вредности.<br />
ПАПОЧНАТА ВРСКА МЕЃУ КУЛТУРАТА И ПОЛИТИКАТА Е<br />
„ЗАГАДУВАЧ“ НА ЧИСТАТА УМЕТНИЧКА КРЕАЦИЈА. ГЛАВНА<br />
ПРИЧИНА ЗА ПРОШИРУВАЊЕ НА ОЗОНСКАТА ДУПКА ВО<br />
ПРОСТОРИТЕ НА КВАЛИТЕТНИТЕ КУЛТУРНИ ВРЕДНОСТИ.<br />
АЈ: Жените киноматограферки во Индија и во Авганистан<br />
се помалку платени од мажите. На една тркалезна маса што<br />
ја правевте пред неколку години го кажавте примерот на<br />
жената-снимател која му била придружник како камерман на<br />
Мао Ѕедунг на неговите говори пред народот. Таа го сликала<br />
народот наместо него, а тоа праќа добра порака за потребата<br />
да се слушне гласот на граѓаните, а не само на водачите и<br />
проповедниците. Што би додале на ова, Гена?<br />
18
Change language