Create successful ePaper yourself
Turn your PDF publications into a flip-book with our unique Google optimized e-Paper software.
Јин-Јанг<br />
ЃОКО ЗДРАВЕСКИ - ПОЕТ<br />
МРЗЛИВОСТА Е ИЗГОВОР<br />
ЗА НАСОБРАНИТЕ<br />
СТРАВОВИ<br />
Освестената тага е ослободена од гнев,<br />
лутина и одмаздољубивост<br />
Пишува: Ана Јовковска<br />
АЈ: На поезијата не ѝ можеме ништо! Што ја прави вашата<br />
поезија популарна во време на лајкови и брзи инстантвредности?<br />
ЃЗ: Копнеам својата поезија да ја ослободам од себеси и себеси<br />
да се ослободам од неа, како што родителот и детето заемно се<br />
ослободуваат кога ќе дојде времето за тоа. А на поезијата не ѝ<br />
можеме ништо затоа што неа не ја засегаат световните аршини<br />
со кои поетите си ги мерат своите суети.<br />
АЈ: Има ли живот надвор од полисот?<br />
ЃЗ: Ова прашање првпат си го поставив кога од возот во една<br />
европска држава видов огромна канализациска цевка под<br />
ископаниот асфалт. Дијаметарот на таа цевка ми се виде како<br />
метафора за тоа колку сме зависни од цивилизацијата. Од раѓање ни<br />
е удрен мурот. Потоа си го поставив прашањето: Има ли живот отаде<br />
полисот?<br />
АЈ: Што најмногу те вознемирува кај себе?<br />
ЃЗ: Мрзлив сум до бескрајот. Ама, за да биде бељата поголема,<br />
свесен сум дека мрзливоста е всушност само изговор за насобраните<br />
стравови. И тоа страшно ме вознемирува.<br />
АЈ: Свесноста за тагата ја прави тагата убава. Зошто?<br />
ЃЗ: Затоа што освестената тага е ослободена од гнев, бес, лутина,<br />
одмаздољубивост. Како што освестената љубов е ослободена од<br />
љубомора, страв, страст и од потребата некој да биде нечиј.<br />
АЈ: На кои полиња во општеството сте активни?<br />
ЃЗ: Не се доживувам како општествено активен. Со текот на времето<br />
сфатив дека, всушност, ич не се разбирам во општество, повеќе сум<br />
по природата. Целиот тој систем ми е бесмислен и лажен. Дејствувам<br />
ќутенката, скраја, без другите да знаат.<br />
АЈ: Во Скопје ме нервира...<br />
ЃЗ: Вишокот. Во Скопје има сѐ помалку празен простор.<br />
АЈ: Добрите луѓе ги препознавам по...<br />
ЃЗ: Наивно верувам дека сите луѓе се добри, само што некои од нив<br />
лошо се справуваат со болката, па стануваат диктатори, на пример.<br />
АЈ: Општеството е гнило кога...<br />
ЃЗ: Целата цивилизација ми се чини гнила, гротескна, превртена на<br />
глава. Тоа ме прави малодушен и можеби затоа некогаш молитвата и<br />
медитацијата ги доживувам како бегство.<br />
АЈ: „Кога пишувачот ќе си го растрепери сопственото срце, ќе може<br />
да ги растрепери и срцата на останатите. Без лага, без китење“. Кои<br />
болки во животот не ги скривте од очите на јавноста?<br />
ЃЗ: Тие што не ги скрив од себеси.<br />
АЈ: На политичкиот кантар најмногу тежат лагите за...<br />
ЃЗ: Лагите што ги мислиме вистини, па со сета страст се бориме за<br />
нив. Ѓаоло ни ора, ни копа...<br />
АЈ: Споменик би му/им изградил на...<br />
ЃЗ: Збоктисано ми е од споменици.<br />
АЈ: Најсоголен се чувствувам кога...<br />
ЃЗ: Кога зборувам во сон. Само што досега никој не запишал што<br />
имам кажано.<br />
АЈ: За секое грнче, има капаче. :) Кое е вашето капаче?<br />
ЃЗ: Има едно. И не е од „кока-кола“. :)<br />
АЈ: Омилена филмска реплика ми е...<br />
ЃЗ: „Не ми е добро. Не ти е добро ни тебе. Не им е добро ни на луѓето<br />
надвор. Не ѝ е добро на моќната Турска Империја. Народот бара<br />
правда. Феудална Турција повеќе не била праведна. Кога ќе умреме,<br />
ќе ни се помочаат на моќта“.<br />
АЈ: Август е месец на/за...<br />
ЃЗ: Џиткање главечки во витлите на Дрим. И се пушташ реката да те<br />
носи.<br />
124