Create successful ePaper yourself
Turn your PDF publications into a flip-book with our unique Google optimized e-Paper software.
Галерија<br />
БЕЛАТА ДАМА ВО СВЕТОТ НА МОДАТА<br />
НИНА РИЧИ<br />
Пишува: Џејлан Рустемоска<br />
Префинети, романтични, женствени: трите епитети<br />
со кои најчесто се опишуваат креациите на Нина<br />
Ричи. Ја нарекуваат уште и „белата дама“ поради<br />
препознатливиот имиџ: белата виткана коса, бисерните<br />
ѓердани и бледиот тен. Таа е жената која високата мода ја<br />
направи достапна за припадничките на париската буржоазија<br />
во раниот дваесетти век. Нејзиниот демократски пристап<br />
кон модата и фактот дека најверните клиентки се дел од<br />
француската висока средна класа, а не од аристократијата<br />
на светските метрополи се главната причина што, и покрај<br />
нејзиното мајсторство и успехот на брендот, модните<br />
критичари никогаш не ја подредиле во иста линија со<br />
ривалите „Шанел“ и „Ланвин“. Денес, освен преку модните<br />
колекции на дизајнерите кои ја продолжуваат визијата на<br />
Нина Ричи, брендот живее и постојано се обновува преку<br />
познатите линии на парфеми во неодоливи шишенца.<br />
Марија Ниели се раѓа во 1883 година во Торино, а Нина е<br />
прекарот од детството под кој ќе остане запаметена. Таа<br />
е едно од петте деца на италијански чевлар кој одлучува<br />
семејството и бизнисот да ги пресели во Монте Карло кога<br />
Нина сѐ уште е дете. Неговата рана смрт ги принудува Нина<br />
и мајка ѝ да се преселат во Париз. На четиринаесет години<br />
таа наоѓа работа во шивачка работилница, а кратко подоцна<br />
сосема случајно, возејќи се во автобус, го запознава Луиџи<br />
Ричи, син на познат златар од Фиренца. Од почетокот ги<br />
поврзуваат италијанските корени и смислата за естетика,<br />
се раѓа љубов и набрзо стапуваат во брак. Но, како и татко<br />
ѝ, и сопругот умира прерано, оставајќи ѝ ги во наследство<br />
семејното име, Ричи, и нивниот единствен син Роберт, два<br />
клучни елемента во кариерата на Нина Ричи, која тукушто не<br />
почнала. Во 1908 година Нина наоѓа работа во модната куќа<br />
„Рафин“. Иако се работи за една од просечните модни куќи<br />
во Париз од тој период, сепак ќе се покаже како совршено<br />
место, каде што таа ќе го испече својот занает и ќе го<br />
надградува талентот во следните 24 години. Благодарение<br />
на нејзината креативност и умешност во „Рафин“ добива<br />
самостоен оддел со свои работилници, кројачи и клиентела<br />
која ќе се препознае во нејзиниот стил, што претставува<br />
совршена комбинација на грациозност и едноставност.<br />
Еднакво посветена е и на својот син, кој од неа го наследува<br />
неуморниот дух и смислата за претприемништво. По смртта<br />
на сопственикот на „Рафин“, модната куќа се распаѓа.<br />
Нина Ричи има 49 години и е подготвена да се повлече од<br />
светот на модата, но токму Роберт е тој што ќе ја убеди да<br />
се осмели да основа сопствена модна куќа во истиот тој<br />
Париз што ѝ ги отвори вратите кога беше само девојче полно<br />
26