Portret Magazine No9

KHARA Пост-рок [Куманово]
Инструментален пост-рок бенд од Куманово формиран во
2014-та година. Пред неколку месеци тие го издадоа својот
прв студиски албум – „There Were Heroes Amongst Us”. Ако ги
сакате Mogwai, Explosions In The Sky и This Will Destroy You,
тогаш најверојатно ќе ви се допаднат и KHARA.
Има ли некакво значење во името на бендот?
Името на бендот потекнува од монголска митологија. Имено
еден од првите шамани се нарекувал Morgon Kara. Му го
земавме презимето и додадовме една буква, онака естетски.
Кажете ни нешто повеќе за кумановската рок сцена. Има ли
некои други интересни, нови бендови?
Пополека се развива и нашата сцена. Многу млади дечки
како нас пробуваат да направат нешто различно. Има неколку
нови артисти, меѓу кои NBK & Twister, Madara, Drioma и
староседелците TV Rage.
Ве запознавме преку песната (и спотот) „Ode to Edwin J. Hill”.
Кој е Edwin J. Hill?
Најпрвин, целиот албум „There Were Heroes Amongst Us” е
тематски поврзан со војна и хероизам. Edwin J. Hill бил капетан
на американскиот брод USS Nevada при нападот на Pearl Harbor.
Во целата паника неговиот брод тргнал додека сè уште бил
закотвен на пристаништето. Edwin скокнал, пливал наназад и
со голи раце го ослободил бродот. При враќањето назад бил
убиен од авионска бомба. Заради неговите акции е еден од
првите добитници на Medal of Honor. Токму затоа мислевме
дека е вреден да се спомне во нашите песни.
Едвај чекаме да ве гледаме на концерт. Каде и кога настапувате
следно?
Моментално правиме мала пауза, а крајот на август продолжуваме
со концерти. Прво свириме во Софија, Призрен, Приштина и
Нови Сад, а се надеваме дека ќе успееме да организираме и
самостоен концерт во МКЦ, некаде октомври или ноември.
112