Portret Magazine No9

ДРАГАН КИТАНОВСКИ-ДРАШ, ЦРТАЧ НА ГРАФИТИ
СО МОИТЕ ИСТОМИСЛЕНИЦИ
СОЗДАВАМЕ УЛИЧНА УМЕТНОСТ
Првиот графит го нацртав кога бев во основно училиште и
нацртан е со мрсна боја. Тогаш немаше специјализирани
продавници за спреови за графити и цртавме со автолакови.
Гледав како низ градот преку ноќ излегуваат шарени
ѕидови и се трудев да направам нешто слично. Графитот,
иако е во лоша состојба, уште си стои кај мене во маало. :)
Додека другите се интересираа за кошарка и фудбал, јас
се интересирав за цртање во каков било облик. За мене,
графити цртањето не е само „шкртање“ туку и дружба со
истомисленици со кои заедно создаваме таканаречена
улична уметност. Токму затоа и ретко цртам сам. Повеќето
графити ми се нацртани заедно со мојата ОКС екипа –
Мачка и Срк, како и со Хром, Нејм и Руки. Порано повеќе
цртав карактери, а во последниве години цртам повеќе
букви. Графити тагот ми е Драш и некако најбрзо ми оди и
во последно време повеќе ме исполнува пишувањето букви,
бидејќи за карактери обично ми треба повеќе време, а во
цртањето графити многу е важно да си брз, односно да
нацрташ пред да те фатат. Инспирација ми се празните
сиви ѕидови, напуштените локации, фасадите со партиските
преписки, едноставно простор што ќе ми се допадне и каде
што ќе сакам да оставам свој белег. Сакам шаренила и бои.
Цртањето графити за мене претставува потреба. Некој оди
на кеј да се истрча, јас цртам. Цртањето ми е вентил, на
тој начин се смирувам кога сум нервозен и ја споделувам
радоста кога сум среќен. Има денови кога едноставно морам
да излезам да нацртам нешто, чкртаници без концепт, ама
само да нацртам нешто, без разлика дали на другите ќе
им се допаѓа или не. Доколку некогаш дипломирам би бил
инженер по внатрешен дизајн и технологија на мебел и
ентериер, ама има два испита што не можам да се натерам
да ги положам. Моментално работам во „Nameless Тattoo“,
студио за тетовирање, учам да тетовирам и паралелно цртам
низ некои локали во Скопје.
9