You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Изборот е слобода<br />
ГРАД: ГРОНИНГЕН Е ГРАД НА МЛАДОСТА<br />
Гронинген е град во кој не можеш да бидеш стар. Град што бара од сите, без разлика<br />
на возраста, динамичност! Студентски град, во кој кога и да одам се случува нешто<br />
интересно. Град во форма на младо човечко тело, што со себе ја носи како пердув својата<br />
векови стара историја. Град како од бајките, со мали куќички, надвиснати над тесните<br />
канали низ кои често минуваат вчудовидувачки големи бродови со високи јарболи, со<br />
подвижни мостови и мали улички преполни со велосипедисти... Автомобили нема во<br />
центарот на градот, оти сè е направено по мерка на пешакот, велосипедистот и оние што<br />
пловат. Град како создаден за мене.<br />
СЕМЕЈНА АРХИВА: МАЈКА МИ МИ ОСТАВИ УНИКАТНИ КНИГИ<br />
ВО НАСЛЕДСТВО<br />
Мајка ми ми остави книги во наследство. Некои од нив се навистина уникатни и со лични<br />
посвети од разни писатели, некои се смешни и далеку од ова време, некои се историја,<br />
некои – само емоција. Ги чувам како што би ја чувала неа. Чепкам некој пат низ нив, за да<br />
ја пронајдам во некој стих, збор или мирис.<br />
ТЕАТАР: ВЛАСТА ГИ ОБЛЕКУВА И ГИ СОБЛЕКУВА АКТЕРИТЕ<br />
КАКО САКА<br />
Не одам во театар, зашто театарот е киднапиран. Актерите станаа костими на власта за<br />
плата. Власта ги облекува и ги соблекува како сака. Тешко е да ги зачуваш своите жар,<br />
страст, талент и знаење, негибнати и чисти денес. Да, верувам дека постојат многу актери<br />
кои сè уште го можат тоа, но во контекстот на „гардероба“, јас како актер одбивам да висам<br />
на чивилук или да бидам публика. Можам само да ги издвојам претставите на Унковски<br />
(„Солун град на духови“ и „Ајнштајновите соништа“). Тие те враќаат на вистинските<br />
вредности на актерот и актерската игра. А сите што навистина копнеат по исконската<br />
невиност и искреност во театарот, ќе можат сè уште да ја видат и да ja доживеат на<br />
Факултетот за драмски уметности. Испитните претстави на младите актери-студенти, кои<br />
се обично на крајот од годината или на Академската сцена во текот на целата година, се<br />
можеби последните искри на вистината на сцена. Вреди да се погледнат.<br />
ПАТУВАЊЕ: СВЕТОТ Е ГОЛЕМО ОГЛЕДАЛО ВО КОЕ МОРАМЕ ДА<br />
СЕ ВИДИМЕ СЕБЕСИ<br />
Патувањата се најубавата работа што можат да му се случат на човекот. Да знае дека<br />
Македонија не е крајот, почетокот или центарот на светот. Да може да си ја одмери силата<br />
и моќта на перцепција во друг контекст и друга географија. Преку патувањата човек<br />
најмногу учи за себе или како што мојот омилен филозоф Монтењ вели: „Патувањето низ<br />
светот создава исклучителна јаснотија во просудувањата кај луѓето. Светот е едно големо<br />
огледало во кое мораме да се видиме себеси, за да можеме да се знаеме себеси“. Затоа,<br />
секогаш кога можам – патувам.