Portret Magazine No9

соништа. Нина прифаќа единствено под услов Роберт, кој
е млад, остроумен и смел, да го води финансискиот дел
од бизнисот, препуштајќи ѝ ја нејзе креативната работа.
Во 1932 година во Париз заживува модното ателје на Нина
Ричи, во скромни размери, но на една од најпрометните
улици во градот. Уште од првото модно шоу двојката мајкасин,
единствена во светот на модата, доживува огромен
успех. Неговaта харизма и деловните способности им носат
нови инвеститори и бизнис-партнери, додека Нина Ричи
бавно, но сигурно од урнатините на „Рафин“ почнува да ја
гради својата империја. Се разликува од другите дизајнери
од тоа време. Нејзината главна цел е секое креирано парче
да има совршена линија и форма што природно се адаптира
на женското тело. Не користи цртежи, туку своите креации
ги изработува директно на моделите, користејќи внимателно
одбрани и квалитетни ткаенини. Ги облекува парижанките
како што и самата се облекува: дискретно и елегантно.
Благодарение на иновативниот дух и на енергијата, за десет
години брендот драматично расте, а бројот на вработени
преминува од 40 на 450. За Нина Ричи во Париз веќе знаат
сите, а како секој добар бизнисмен, Роберт чувствува дека
е време да се воведе свежина. Во еуфоричниот период на
промени што следува по завршувањето на Втората светска
војна, „Нина Ричи“ го лансира славниот парфем спакуван
во шишенце од рачно изработено стакло „Лалик“ во форма
на два гулаби кои симболизираат мир и љубов. Се вика „Лер
ду темпс“ и е комбинација од цветни тонови што одговара
на духот на времето, симбол за женственост, вечна младост
и љубов. Парфемот за кратко се наоѓа на истите полици со
„Шанел бр. 5“ и „Шалимар“ на Герлан, станувајќи еден од
култните класични парфеми на кои жените и денес сакаат
да мирисаат. Во 1954 година Нина Ричи се повлекува, а
ја наследува нејзиниот помлад асистент Жил Франсоа
Крахеј, Белгиецот кој со својата колекција „Крокус“ ѝ ја
носи на Нина Ричи долгопосакуваната интернационална
слава. По смртта на Нина Ричи во 1970 година, уште речиси
две децении нејзиниот син, потпирајќи се на работата на
успешните дизајнери преку новите колекции, ја продолжува
мисијата на неговата мајка, „шарајќи ја реалноста на жените
со боите на соништата“.
Линијата на успехот на одделот за мириси се движи по
нагорна линија низ годините и во периодот на активност,
од 1946 година до 2016 година, што всушност е годината на
лансирање на последната линија на „Нина Ричи“, нивното
богато портфолио брои 63 парфеми. Годинава продолжува
сагата за „Nina“ - модерна бајка за сите млади дами кои
се во потрага по изненадување и фантазија во свет во кој
соништата ја облекуваат реалноста. Парфем што ветува
романтицизам, маѓепсување и женственост. Во 2010 година
се појавува „Nina“ со поголема сензуалност, елеганција и
раскош, односно се појавува парфимираната вода „L'elixir“,
што ја крева линијата во луксузниот круг на заведување и
неодоливост. 2013-та е година во која нежната, женствена
страна на приказната е нагласена, уште посензуална,
мистериозна и слободна. Овој пат, двете различни девојки
го делат истото патување. Две сојузнички во потрагата
по женственост. Со среќавањето на нејзиното совршено
алтер его, „Nina“ доживува еволуција, од романтична
модерна принцеза во интензивна, мистериозна заводничка.
Се сретнува со независната, енигматична, провокативна
„Luna“. Карактеризирајќи ваква девојка, мирисот доживува
комплетно нова интерпретација и дава импресија на
кандиран вечен цвет. Комбинацијата на ноти варира во
спектарот на бурбон црна ванила апсолут, преку карамела,
есенција од сандалово дрво, до дива боровинка, лист на
цвет од портокал и бел цвет.
27