Strategjia e Zhvillimit të Qëndrueshëm të Komunës ... - UNDP Kosovo

PARATHËNIE
Në shtator të vitit 2000, në Organizatën e Kombeve të Bashkuara liderë botëror
arritën një marrëveshje historike rreth Deklaratës së Mijëvjeçarit, duke I cekur
vlerat e përbashkëta globale dhe të zotimit të fuqishëm për të përgjysmuar
varfërinë në botë deri në vitin 2015. Janë mbajtur edhe disa dialogje ndërkombëtare
për të transformuar Deklaratën në tetë Objektivat Zhvillimore të Mijëvjeçarit
(OZHM), 18 caqe dhe 48 tregues për të përcjelljen e përparimit të
OZHM-ve nëpër botë.
Është arritur koncensus se objektivat dhe caqet mobilizojnë partnerët kombëtarë
dhe ndërkombëtarë në veprim dhe ndihmojnë në krijimin e aleancave të reja
për zhvillim. Ato gjithashtu ofrojnë një mënyrë për vënien e standardeve dhe
vlerësimin e progresit në zhvillim. Reformat në politikë, ndryshimi institucional
dhe rialokimet e buxhetit shpesh janë rezultat i diskutimeve të përqendruara në
caqe të kufizuara në kohë. Sidoqoftë, më pak se një e treta e shteteve në zhvillim
e sipër kanë caktuar caqe kombëtare specifike dhe të matshme për zvogëlimin
e varfërisë.
OZHM-të përfaqësojnë synime globale të cilat mund të krahasohen përmes
shteteve; megjithatë ato nuk përfaqësojnë caqet ambicioze apo të zbatueshme
në mënyrë të barabartë për të gjitha shtetet. Në mënyrë që OZHM-të të jenë
kuptimplote në nivelin lokal, caqet duhet të caktohen për të pasqyruar rrethanat
lokale dhe prioritetet zhvillimore.
Ekipi i Kombeve të Bashkuara në Kosovë ka filluar që të përqendrohet gjithnjë e
më shumë në OZHM-të, dhe disa veprimtari dhe projekte të lidhura me OZHMtë
janë duke u zbatuar, përfshirë një nismë testuese për të zbatuar një projekt në
komunën e Gjakovës e cila ka pasur për synim lokalizimin e OZHM-ve duke
korrigjuar Planin zhvillimor ekzistues të komunës duke përdorur një proces të
bazuar në pjesëmarrje të gjerë.
Strategjia zhvillimore e qëndrueshme e komunës, një rezultat i projektit të lartcekur,
paraqet një hap të rëndësishëm përpara meqë ka për synim që të arrijë
OZHM-të në nivelin lokal dhe t’i ndihmoj komunës që të realizoj vizionin e vet
afatgjatë – të bëhet një komunë udhëheqëse në Kosovë në arritjen e OZHM-ve
deri në vitin 2015.
Potenciali për zhvillim në komunën e Gjakovës është i pakufizuar. Përderisa
është e vërtetë se komuna përballet me sfida të rëndësishme politike, ekonomike,
dhe sociale, ekzistojnë fakte se ka potencial të madh për komunën, që bazohen
në pozitën gjeografike në pozitën gjeografike, në burime dhe ajo çfarë është më
e rëndësishme, në njerëzit e komunës së Gjakovës.
Në fund, duhet të thuhet se ka arritur koha që zhvillimi të bëhet ndryshe, që të
jetë më mire I përqendruar dhe i bashkërenduar, si dhe me një llogaridhënie më
të mirë. Unë besoj, se Objektivat Zhvillimore të Mijëvjeçarit dhe zotimi i palëve
vendore me interes ofrojnë një mundësi të jashtëzakonshme për të arritur këtë.
Frode Mauring
Koordinatori i Kombeve të
Bashkuara për Zhvillim në Kosovë