Strategjia e Zhvillimit të Qëndrueshëm të Komunës ... - UNDP Kosovo

6
QEVERISJA E MIRË
86 STRATEGJIA E ZHVILLIMIT TË QËNDRUESHËM TË KOMUNËS SË GJAKOVËS
e cila është një Traktat shumëpalësh i Këshillit të Europës, që përmbledh parimet
më të mira të qeverisjes vendore dhe shërben si model për t’u zbatuar nga çdo
vend. Me përcaktimin e Statusit, edhe Kosova do të jetë palë e kësaj Karte, kështu
që përfshirja e saj që tani në procesin e decentralizimit i shërben më së miri kësaj
të ardhmeje të afërt. Aspektet më kryesore të kësaj reforme janë:
(i) Menaxhimi i shërbimeve publike nga vetë komuna;
(ii) Rritja e përgjegjësive financiare të komunave, në mënyrë që ato të kenë
mundësi të mbledhin dhe administrojnë vetë më shumë të ardhura se deri
sot;
(iii) Rritja e rolit të publikut në qeverisjen lokale dhe veçanërisht e pjesëmarrjes
së tij në vendimmarrje.
Në këtë këndvështrim, Komuna e Gjakovës duhet të përgatitet në dy aspekte:
(i) Të marrë dhe administrojë përgjegjësitë që i transferohen nga reforma e
decentralizimit;
(ii) Të zhvillojë kapacitete administrative të afta për të zbatuar me sukses dhe
me transparencë të plotë përgjegjësitë e reja.
Nëse decentralizimi zbatohet me efektivitet, ai mund të jetë një nga mekanizmat
më të rëndësishëm për afrimin e qeverisjes tek njerëzit, duke rritur besimin
e publikut ndaj sistemit, mundësuar mbikëqyrjen më të afërt të qeverisjes dhe
përmbushur më mirë interesat e njerëzve.
6.3 Demokracia lokale
Përfaqësimi efektiv i qytetarëve në qeverisje nuk garantohet vetëm me ushtrimin
e të drejtës së pjesëmarrjes në zgjedhje, edhe në rastet kur këto zhvillohen
plotësisht të lira, të barabarta e të drejta. Përtej zgjedhjeve, mekanizma të tjera
janë të domosdoshme për tu zbatuar, në mënyrë që të zhvillohet dhe respektohet
demokracia lokale dhe qeverisja të reflektojë siç duhet nevojat dhe aspirata
e qytetarëve. Qeverisja e mirë kushtëzohet nga: (i) Zgjerimi i pjesëmarrjes dhe
përfaqësimit të publikut në qeverisje; dhe (ii) Ndërtimi i aleancave në mesin e
shoqërisë civile, sektorit privat dhe mediave për të arritur një pjesëmarrje dhe
përfaqësim sa më të gjerë të qytetarëve. Thelbi i demokracisë lokale është pjesëmarrja
e publikut në qeverisje dhe hapi i parë për të arritur këtë është rritja e
transparencës së vendimmarrjes dhe administrimit në nivel komune.
Kur pjesëmarrja dhe përfaqësimi arrijnë nivele të kënaqshme, krijohen kushte qe sistemet
demokratike qeverisëse të jenë shumë më efektive në menaxhimin e zhvillimit
ekonomik dhe shpërndarjen e drejtë të përfitimeve prej tij, zhvillimin shoqëror,që
respekton të drejtat e individit dhe ato të shoqërisë, dhe në arritjen e një kohezioni
të kënaqshëm social. Kur pjesëmarrja dhe përfaqësimi janë në nivele shumë të ulta,
shfaqen e përforcohen probleme shoqërore të mprehta si zhvillimi i pabarabartë ekonomik
e social, varfëria ekstreme, korrupsioni dhe keqpërdorimi i pushtetit.
Bazuar në këto parime, politikat më prioritare të zhvillimit të qeverisjes në Kosovë
janë: (i) Krijimi i një sistemi qeverisjeje të bazuar në barazinë dhe respektimin e të
drejtave të njeriut për të gjithë qytetarët e Kosovës; (ii) Sigurimi i një qeverisjeje
kompetente me funksione e përgjegjësi të qarta si në pushtetin qendror ashtu
edhe në pushtetin lokal, duke realizuar një koordinim efektiv midis tyre; (iii)
Zhvillimi i instrumenteve dhe zbatimi i masave për nxitjen e transparencës dhe
luftimin e korrupsionit; (iv) Zhvillimi dhe zbatimi i kuadrit ligjor në dobi të zhvillimit
të shpejtë ekonomik e shoqëror; (v) Siguria që veprimet e ndërmarra në
dobi të zhvillimit ekonomik e shoqëror të vendit janë të integruara në zhvillimin
e rajonit dhe të Bashkimit Europian.