Strategjia e Zhvillimit të Qëndrueshëm të Komunës ... - UNDP Kosovo

4 STRATEGJIA E ZHVILLIMIT TË QËNDRUESHËM TË KOMUNËS SË GJAKOVËS
Partneriteti me Bashkimin Europian
Bazuar ne Rezolutën e Këshillit të Sigurimit të Kombeve të Bashkuara 41 , Komisioni
i Bashkimit Europian ka miratuar ne vitin 2004 parimet, prioritetet dhe kushtet
e partneritetit me Kosovën, si dhe standardet më kryesore që duhen përmbushur
nga Kosova gjatë një periudhe afatshkurtër dhe afatmesme. Sipas këtij
dokumenti, procesi i Stabilizimit dhe Asocimit mbetet kursi kryesor i zhvillimit
të gjithanshëm të Kosovës, sikundër edhe i vendeve të tjera të Ballkanit Perëndimor.
Dokumenti përmban fushat kryesore, ku duhet të përqendrohet puna
me përparësi, për të përshpejtuar procesin e integrimit europian të Kosovës, të
cilat marrin parasysh normat 42 e Bashkimit Europian. Demokracia dhe zbatimi
i ligjeve, të drejtat e njeriut dhe mbrojtja e minoriteteve, ekonomia e tregut dhe
reformat strukturore, zhvillimi i bujqësisë, transportit, energjetikës dhe ndërmarrjeve
të vogla e të mesme, drejtësia dhe lufta kundër krimit e trafiqeve, janë disa
nga fushat më prioritare të përfshira në këtë dokument të Bashkimit Europian
2.2 Programet dhe projektet e zhvillimit
Objektivat Zhvillimore të Mijëvjeçarit janë zbërthyer në 17 synime prioritare për
Komunën e Gjakovës. Për secilin synim janë përzgjedhur programet prioritare,
të cilët janë gjithsejtë 33 programe, zbatimi i të cilëve ndikon drejtpërdrejt në arritjen
e synimeve. Këto programe janë detajuar më tej në 136 projekte orientuese
dhe për secilin projekt janë parashikuar koha e zbatimit, partnerët e mundshëm,
kostoja e përafërt, që mund të jetë investim i drejtpërdrejt ose kostoja e asistencës
për kryerjen e studimeve, dhe se kush mund të ishte financuesi kryesor i mundshëm.
Të gjitha këto të dhëna janë përfshirë në tabelat që vijojnë.
41 Rezoluta Nr. 1244, datë 10 qershor 1999
42 Këtu është fjala për acquis communitaires