Strategjia e Zhvillimit të Qëndrueshëm të Komunës ... - UNDP Kosovo

6
QEVERISJA E MIRË
0 STRATEGJIA E ZHVILLIMIT TË QËNDRUESHËM TË KOMUNËS SË GJAKOVËS
ndaj këtij komuniteti. Po kështu, këto organizata mund të kontribuojnë
në ndërgjegjësimin e publikut dhe të vetë komunitetit RAE mbi të drejtat
e këtij komuniteti dhe mbi domosdoshmërinë e përmbushjes së standardeve
ndërkombëtare, që lidhen me këto të drejta.
Në Gjakovë sot veprojnë 42 OJQ lokale, të cilat janë anëtare të Forumit të OJQ-ve.
Të gjitha këto organizata e kanë selinë në zonën urbane, por veprimtarinë e ushtrojnë
në të gjithë komunën. OJQ-të varen tërësisht nga financimi i donatorëve
dhe nuk kanë asnjë përkrahje financiare nga komuna, për shkak të buxhetit të
kufizuar që ka komuna. Në Gjakovë është edhe Zyra Rajonale e Odës Ekonomike
të Kosovës, e cila mbron interesat e komunitetit të biznesit. Sindikatat e punëtorëve
në fabrika janë shuar, ndërsa disa përfaqësues të komunës janë anëtarë të
Sindikatës Rajonale. Gjithashtu një ndihmesë në të ardhmen pritet dhe nga OJQ
e sapoformuar Agjensioni për Zhvillim Lokal qëllimi i të cilës është promovimi i
investimeve dhe fuqizimi i biznesit.
Veprimtaria më e gjerë e OJQ-ve është e orientuar në këto fusha kryesore: (i)
Nxitja e barazisë gjinore; (ii) Përmirësimi i marrëdhënieve ndëretnike; (iii) Ndihmesa
në problemet psikosociale dhe (iiii) Promovimi i komunitetit dhe zhvillimi
ekonomik. Shoqëria civile, veçanërisht rinia, është përfshirë në veprimtari që
lidhen me koalicionet ndëretnike. Duke qenë se OJQ-të janë të bazuara kryesisht
tek financimi i donatorëve, ato janë më shumë të orientuara tek shërbimet, nëpërmjet
projektesh afatshkurtra, dhe qëndrueshmëria e tyre është ende e brishtë.
Shumica e kosovarëve i shikojnë OJQ-të si organizata që nuk i shërbejnë përfaqësimit
të mendimit të tyre, sepse mendojnë që ky është funksion që kryhet
nga partitë politike. Ky mendim ndryshon pak kur është fjala për koalicione të
tilla si Koalicioni i Familjeve të Personave të Zhdukur, Organizatat e Veteranëve
të Ushtrisë Çlirimtare të Kosovës, grupet e pensionistëve etj.
Në bazë të nevojave të mësipërme, politikat më prioritare të zhvillimit të shoqërisë
civile si në nivel komune ashtu edhe në të gjithë Kosovën janë:
(i) Zhvillimi dhe zbatimi i mekanizmave që sigurojnë pjesëmarrjen aktive të
shoqërisë civile në hartimin dhe zbatimin e politikave të zhvillimit;
(ii) Krijimi i kapaciteteve institucionale (strukturat, sistemet dhe njohuritë) të
shoqërisë civile për të përmbushur përgjegjësitë e saj si partnere në hartimin,
zbatimin dhe monitorimin e politikave;
(iii) Inkurajimi i shoqërisë civile për të zhvilluar mundësi të reja të veprimtarive
ekonomike dhe punësimit, si dhe të dhënies së shërbimeve publike.