DEKAT DIGITAL 2019 - 2020

Melvill die lug, die kultuur en die geskiedenis van Suid-Afrikaanse stede vasteken. “Jy hoef nie ’n argitek te wees om
’n verbintenis te hê met die geboue rondom jou nie,” merk hy op. Elke kunswerk word as ’n argitektekening begin,
wat dan ontwikkel tot ’n kunswerk. KAMERS/Makers is volgens Melvill suksesvol aangesien hulle hulself dwing om
relevant te bly, en om die entrepreneurs ook by hierdie strewe na gedurige vernuwing te hou.
Sharon Botha van Cole-juweliersware het eers later in haar lewe haar passie ontdek, en op die ouderdom van
54 gaan studeer. Vandag werk sy uit haar studio in Woodstock, saam met van haar “twenty something” medeoudstudente.
“KAMERS het ’n groot rol in my lewe gespeel, aangesien mense my werke nie sommer andersins sal
ontdek nie. Mense wil nie net juweliersware koop nie: hulle wil sien hoe lyk die hande wat dit gemaak het; die
gesig daar agter.”
Toffies is al so oud soos die berge, maar tog kon Frits van Ryneveld en Hentie van der Merwe daarin slaag om met
hulle Darling-toffies oud en jonk opgewonde te maak. “Dit gaan oor die verpakking en die interessante smake wat ons
bymekaar voeg,” sê Van der Merwe opgewonde. Al is hul produkte op baie plekke beskikbaar, bly KAMERS/Makers
’n baie goeie platform waar hulle waardevolle terugvoer van kopers kry oor wat werk en wat nie.
Van der Merwe stem saam met Pauw dat Suid-Afrika ’n wonderlike plek vir entrepreneurs is, maar waarsku dan:
“Om ’n entrepreneur te wees vandag in Suid Afrika beteken om op jou voete te kan dink, en nuwe, kreatiewe
oplossings te kan vind in ’n voortdurend veranderende politieke en ekonomiese landskap en ook wat betref jou
produkaanbod, gesien die mark vir handgemaakte voedselprodukte raak al hoe meer puntenerig oor wat hulle in hul
monde sit, en tereg ook.”
Lourette du Preez kom al van die begin af met KAMERS/Makers aan. Haar kinderdroom, om met lap te werk het by
haar oumas begin. “My een ouma het my leer brei, my ander ouma leer hekel. Van kleintyd af wou ek my eie winkel
met hierdie gevroetel hê. Ek het al die goedjies gemerk en dan wou ek sinkplate vat en my eie winkeltjie langs die
plaaspad oopmaak – die enigste mense wat ooit met die pad gery het was die bure, miskien elke tweede dag,” spot sy.
Vandag verkoop sy ’n verskeidenheid lapprodukte met fassinerende teksture by al wat ’n mark is van KAMERS/Makers.
Nóg ’n entrepreneur wie se paaie vroeg met KAMERS/Makers gekruis het is Heidi Sendin. Sy was pas afgedank
by ’n groot kettingwinkel waar sy as aankoper gewerk het. Sendin onthou goed hoe sy ’n geskenkbewys van die
Bead Shop in Langstraat, Kaapstad, by iemand gekry het. Sy het begin om kralewerk te maak en nadat sy die
oproep van (toe nog) Kamersvol Geskenke gekry het, nooit weer terug gekyk nie.
FOTOGRAAF: CAREY SLADE
Consol is die trotse borg van KAMERS/Makers. Saam
maak Consol dit moontlik om KAMERS/Makers te help in
hul strewe om omgewingsvriendelik handel te dryf. Consol
gee elke besoeker ’n gratis glaswaterbottel en sodoende
is die gebruik van meer as 120 000 plastiekbottels oor
die afgelope jaar by KAMERS voorkom. Hulle bied ook
’n stalletjie aan waar al hul nuutste glasprodukte aan die
besoekers gebied word.
197