DEKAT DIGITAL 2019 - 2020

Pierneef à la Motte - resep
Gerookte snoek is ’n Kaapse tradisie. Die sjef Eric Bulpitt gee ’n gesofistikeerde
geurtjie aan hierdie Weskusstapelvoedsel deur dit met ligte pannekoek, suurtjies
en beleë cheddarkaas te kombineer. Die 2018 La Motte Chardonnay is ’n goeie
pasmaat vir die komplekse geurkombinasies.
Gerookte snoekpannekoek, suurtjies en beleë cheddar
Gerookte snoek
1 snoek (gevlek en skoongemaak)
100 g gedroogde seegras
150 g houtsnippers
Besprinkel die vis ruimskoots met die gedroogde seegras en laat staan 30 minute lank.
Spoel die seegras af en druk droog.
Maak die houtsnippers klam en kry ’n rookapparaat gereed. Rook die vis 15 minute lank of totdat dit net gaar is,
rokerig en vlokkig.
Laat afkoel, vlok en verwyder al die grate. Hou die vis vir die finale mengsel.
Seegrasmengsel
100 g kombu (gedroogde seegras)
250 g sout (grof)
150 g suiker
Verwerk die seegras in ’n voedselverwerker tot ’n half fyn poeier. Meng al die ander bestanddele saam om die
seegrasmengsel te verkry.
Crème fraîche
100 g crème fraîche
80 g roomkaas
sap en gerasperde skil van 1 suurlemoen
10 g grasuie
50 g room
Klits die crème fraîche, room en kaas saam in ’n mengbak. Gooi die grasuie, suurlemoensap en -skil by. Meng en
geur volgens smaak.
216