Fylkesdelplan for kystsona 2001-2004 - Hordaland fylkeskommune

3.5 Viktige særloverDet finst ei rekkje særlover som grip inn i kystsoneplanlegginga, og som verkar samanmed plan- og bygningslova. Dei viktigaste lovene er kort omtala i det følgjande.Lova om hamner og farvatnhar som føremål å leggje tilhøva til rette for planlegging, utbygging og drift av hamnerog å tryggje ferdsla.Naturvernlovainneheld mellom anna heimel for å gjere vedtak om verneområde. Naturvernlova kannyttast utanfor grunnlina i sjø og har såleis eit vidare verkeområde enn plan- ogbygningslova. Lova vert forvalta av miljøvernstyresmaktene. Kva verknad lova har isjø er omtala i eit brev av 5. august 1994 frå Justisdepartementet til Miljøverndepartementet.Her står det mellom anna: «Vi er etter dette tilbøyelig til å mene atnaturvernlova generelt også gjelder sjøområder, herunder vannmassene, havbunnen,samt plante- og dyrelivet der.» Vi går difor ut frå at dette spørsmålet er avklart sålangt.I § 18 i naturvernlova er det gjeve føresegner om korleis statlege verneplanar skalhandsamast. Rundskriv T4-90 frå Miljøverndepartementet omhandlar korleisføresegnene i § 18 skal forvaltast. Kommunane og fylkeskommunen skal etter desseføresegnene informerast på det førebuande stadiet av planprosessen, og det skal verehøve til å uttale seg om verneforslaget når det vert lagt ut til offentleg ettersyn.Sakshandsaminga skal følgje dei same reglar som for plansaker etter plan- ogbygningslova (etter lovendring i 1989).Kulturminnelovaomfattar alle norske og samiske kulturminne. Automatisk freda kulturminne er norskeminne som er eldre enn 1537, og samiske kulturminne som er eldre enn 100 år.Skipsfunn som er eldre enn 100 år er statleg eigedom så framt det ikkje finst nokonkjend eigar. Nyare kulturminne er det vanleg å regulere som spesialområde etter planogbygningslova. Forvaltningsansvaret er i hovudsaka lagt til fylkeskommunen.Friluftslovainneheld mellom anna føresegner om fri ferdsel i utmark og om allemannsretten.Kvar og ein har rett til å ferdast med båt på sjøen. Både statlege, kommunale ogfylkeskommunale styresmakter forvaltar denne lova.16Forureiningslovainneheld mellom anna føresegner om forureinande utslepp og kommunale avløpsanleggog om handtering av avfall. Forureiningsstyresmaktene kan etter søknad gjeløyve til utslepp etter lova. Så sant det er mogeleg, er det eit mål at forureiningsspørsmålskal løysast for større område på grunnlag av oversiktsplanar og reguleringsplanar.Ei verksemd som kan føre til store forureiningar, må melde tiltak inn for forureiningsstyresmaktene.Forureiningsstyresmaktene fastset om det skal gjennomførastei konsekvensutgreiing for å klarleggje verknadene av tiltaket. Statens forureiningstilsynog Fylkesmannen forvaltar lova.