Contos contados de Finnegan e H.C.E. - Alberte Pagán

se ergue (A: riesen, berg). Descreve-se o seu escudo. Como deus do vinho,
entende de transformaçons do vinho ao vinagre (oferecido a Cristo na cruz),
da ascensom à caída. O fim é o vinho.
(05.13-06.12) Se é Adám, o seu pecado “municipal” é o pecado original, cometido
um joves de tormenta (caída). Os narradores (X) fôrom testemunhas (do trevom
dos seus peidos [fart]), mas nom se ponhem de acordo: hai já 1001 histórias
do mesmo. Referências ao Islam: “cubículo” é o significado de Ka’aba;
Koreish era a tribo regente na Meca; a Pedra Negra da Meca (caída do ceu)
era branca: enegrecida polo pecado; 05.19-21 alude às cinco vezes de oraçom
no dia. (E se Joyce me permite umha alusom póstuma: Yasser Arafat). Mas
atençom! Quiçá a causa da caída foi um simples ladrilho. Adám/Abel (filho
que se converte em pai) come a maçá, e entre parénteses justifica-se a caída/
borracheira: tanto tráfico pre-histórico (mistura de coches e megalitos) volvem
tolo a qualquer, por nom mencionar a situaçom da classe trabalhadora.
Tras o paréntese retomamos “O velório de Finnegan”, segunda estrofa: Phill
está cheio e cai da escaleira: vergonha social. Nas tumbas mastaba foi onde
se atopou material do egípcio Livro dos mortos: a onomatopeia reproduz a
caída nestas tumbas de vários metros de profundidade, construídas assi para
evitar um regresso dos mortos ao mundo dos vivos. O laúde simboliza o matrimónio
(cultura chinesa).
(06.13-28) Pergunta-se o tamanho: falamos do gigante Finn MacCool, já morto/
caído. Delimitamos o tempo da caída: joves (santo) pola manhá. A gente chora.
O morto é um pastel de Nadal (Hooligan): cítricos e maçás como ingredientes.
Todos os gigantes unidos (Gog, Magog) celebram o velório/festa.
Aparece a primeira oraçom quaternária com rima em “-çom”: som os doce cidadaos
os que celebram a exterminaçom do poder. Hanehúnigam é um Finnegan
hermafrodita: han (D): el; hun (D): ela. A sua caída é a consciência do
seu lado feminino. “Olim” (L): umha vez. Mistura-se a cançom de Briam
O’Linn co rei Príamo de Troia. Retomamos a segunda estrofa da balada “O
velório de Finnegan”: o cadáver preparado, whiskey aos seus pés e guinness à
cabeça. O “O” final é ALP (Ω), que lamenta a morte; ou os 12 cidadaos.
(06.29-07.19) Um “Hurra” celebra a renovaçom do velho patriarca, mas a “nova
gleva” é “o mesmo”: a tartamudez delata-o. O filho substitue ao pai para ser
pai el mesmo. N é E patas arriba, morto e enterrado. O seu cadáver estendese
desde Chapelizod (=capela de Isolda) ao faro Baily (em Howth), de Ashtowm
(ao norte do parque Fénix) a Howth, da ribeira do rio ao cabo do outeiro
de Howth: é dizer, tem os pés no parque e a cabeça no outeiro (Olho de
Irlanda: ilha cercá) (cf 03.20-22). HCE. Ana Lívia (“nadanado”; “livvyda”)
vela o cadáver toda a noite. Swift está presente através de Vanessa e do seu
Conto do tonel (A Tale of a Tub) (no que Jack, Peter e Martin representam as
igrejas anglicana, católica e luterana). Conta-se um conto: começam os rumores
na querida e suja Dublim. Oraçom de agradecimento polo alimento que
estám a ponto de comer. E está morto e B corre a voz: a cabeça do cadáver é
17