UB skà rsla '98

BLS
20
1.8 Flutningur að Laugavegi 13
– opnunarhátíð og sýning listasmiðjunnar Gagns og gamans
Í byrjun nóvember flutti embættið loks í eigið húsnæði að Laugavegi 13, 2. hæð.
Nokkur dráttur hafði orðið á þessum flutningi, en upphaflega hafði staðið til að hann
færi fram í byrjun maí, en af óviðráðanlegum ástæðum gat ekki orðið af því. Með
flutningnum lauk einkar ánægjulegri sambúð við Norðurlandaskrifstofu forsætisráðuneytisins
að Hverfisgötu 6. Hið nýja húsnæði er bæði bjart og rúmgott, en Ævar
Harðarson arkitekt sá um hönnun þess og hafði umsjón með framkvæmdum vegna
breytinga á því. Í desember var haldin opnunarhátíð og var fjölmörgum samstarfsaðilum
og velunnurum boðið til hátíðar til að samgleðjast starfsmönnum embættisins
af þessu tilefni. Strengjasveit Tónlistarskóla íslenska Suzukisambandsins lék
nokkur lög og sr. Vigfús Þór Árnason sóknarprestur í Grafarvogi, sem er barnflesta
hverfi borgarinnar, flutti hugvekju. Í tengslum við hátíðina var opnuð sýning á
myndverkum eftir börn sem tekið hafa þátt í starfsemi listasmiðjunnar Gagns og
gamans á undanförnum árum, en hún er starfrækt á sumri hverju á vegum menningarmiðstöðvarinnar
Gerðubergs í Breiðholti. Menningarmiðstöðin lánaði embættinu
myndverk þessi og munu þau prýða skrifstofur starfsmanna næstu misserin.
Margt var um manninn á opnunarhátíðinni, og tókst hún með miklum ágætum.
því sem fyrr orðið að hafna nokkrum beiðnum af þessu tagi. Ég flutti erindi um
eineltismál á ráðstefnu sem Reykjavíkurdeild Barnaheilla gekkst fyrir, um rétt barna
til þess að njóta öryggis í leikumhverfi sínu á ráðstefnu Staðlaráðs Íslands (sjá
viðauka I) og um réttindi barna í grunnskólanum á málþinginu „Frá orðum til
athafna“, sem haldið var á vegum menntamálaráðuneytisins (sjá viðauka II). Einnig
flutti ég fræðsluerindi fyrir nefnd norrænna þingmanna sem fjalla um stöðu barna á
grannsvæðunum, þ.e. Eystrasaltslöndin ásamt norðvestur Rússlandi, en fundurinn
var skipulagður af Íslandsdeild Norðurlandaráðs. Til viðbótar þessu má nefna kynningar-
og fræðsluerindi sem ég flutti fyrir kennara við grunnskólana í Hafnarfirði,
og erindi svipaðs efnis hjá Barna- og unglingageðdeild Landspítalans, Foreldrafélagi
Hvassaleitisskóla, auk fyrirlestra hjá Inner-Wheel konum, Kvenfélaginu
Hringnum og Soroptimistaklúbbum. Hér er ekki um tæmandi upptalningu að ræða,
en hún sýnir hins vegar glöggt að áhugi fyrir embætti umboðsmanns barna og
verksviði þess er töluverður og fer vaxandi.
1.10 Samskipti við fjölmiðla og umfjöllun um embættið
Að vanda leituðu fjölmiðlar til mín, bæði til þess að fá álit mitt á ýmsum málum sem
á döfinni voru hverju sinni og vörðuðu börn, en einnig vegna erinda sem voru til
umfjöllunar hjá embætti mínu. Sem dæmi um þetta má nefna að viðtöl við mig
birtust í blöðum og tímaritum, en einnig mætti ég í viðtöl í útvarpsþættina Samfélagið
í nærmynd, Þjóðbrautina, og barnaþáttinn Saltfisk með sultu. Í sjónvarpsþættinum
Kastljósi var leitað eftir áliti mínu á ýmsum atriðum er varða kynferðisbrot
gegn börnum, en tilefnið var útkoma skýrslunnar „Heggur sá er hlífa skyldi“
(sjá nánar kafla 10.1). Fleiri viðtöl og álit veitti ég fjölmiðlum sem verða þó ekki
rakin hér frekar. Mikilvægt er að vekja athygli á málefnum barna á opinberum
vettvangi, ekki síst á vettvangi fjölmiðla.
BLS
21
2. Erlend samskipti
2.0. Ráðstefna í Kaupmannahöfn um félagslega færni, uppvaxtarskilyrði
og ýmsa áhættuþætti í umhverfi 10 ára barna á Norðurlöndum
1.9 Erindi og fyrirlestrar
Talsvert var leitað til mín og ég beðin að halda erindi og fyrirlestra um hin ólíkustu
málefni barna og unglinga, en einnig til þess að kynna embættið og verksvið mitt
sem umboðsmaður barna. Ég hef lagt á það áherslu að sinna erindum sem þessum
eftir fremsta megni, en mikil aukning hefur átt sér stað hvað þetta varðar, og hef ég
Mér barst boð um að sækja lokaráðstefnu samnorræns rannsóknarverkefnis um
félagslega færni, uppvaxtarskilyrði og ýmsa áhættuþætti í umhverfi 10 ára barna á
Norðurlöndum. Ráðstefnan var haldin 28.–29 maí og var verkefnið fjármagnað af
Norrænu ráðherranefndinni en Guðrún Kristinsdóttir lektor við Kennaraháskóla
Íslands tók þátt í því fyrir Íslands hönd. Vegna anna sá ég mér ekki fært að sækja
þessa ráðstefnu en starfsmaður hjá utanríkisráðuneytinu sótti hana fyrir mína hönd.
SKÝRSLA UMBOÐSMANNS BARNA FYRIR ÁRIÐ 1997 SKÝRSLA UMBOÐSMANNS BARNA FYRIR ÁRIÐ 1997