UB skà rsla '98

BLS
82
Á fundinum undirstrikaði ég þá skoðun mína að samræmd slysaskráning væri
mikilvægur grundvöllur fyrir allar forvarnir til að koma í veg fyrir slys á börnum.
Einnig tók ég fram að nauðsynlegt væri að koma að öryggi barna í mjög víðu
samhengi, en að töluvert vantaði upp á eftirlit með því að farið væri eftir núgildandi
reglum á þessu sviði.
8.4 Öryggi barna við íþróttaiðkun
Mér barst ábending þar sem athygli mín var vakin á því að ábyrgð íþróttafélaga á
velferð barna sem stunduðu íþróttir á þeirra vegum væri ekki nægilega skýr. Þá var
einnig fundið að því að bótaskylda félaganna væri ekki nægilega vel skilgreind í
þeim tilvikum að slys bæri að höndum við íþróttaiðkun barna á þeirra vegum.
Vegna þessa ritaði ég málshefjanda bréf þar sem eftirfarandi kemur m.a. fram:
Mér hefur um nokkurt skeið verið kunnugt um að úrbóta sé þörf hvað íþróttaiðkun
barna varðar, en sem umboðsmanni barna hafa mér borist nokkrar ábendingar sem
snerta þessi mál með ýmsum hætti. Má þar nefna tryggingar barna sem stunda íþróttir,
aldur barna sem stunda keppnisíþróttir, hæfni íþróttaleiðbeinenda, slys á börnum
við íþróttaiðkun o.fl. Í tilefni af bréfi yðar hef ég látið taka saman meðfylgjandi yfirlit
yfir afskipti mín af málaflokknum. Þar kemur fram að máli þessu er ekki lokið af minni
hálfu, og mun ég við frekari vinnslu þess hafa hliðsjón af ábendingu yðar.
Til fróðleiks sendi ég yður ljósrit af stefnuyfirlýsingu um tilhögun íþróttauppeldis
æskufólks innan íþróttahreyfingarinnar, sem samþykkt var á 63. Íþróttaþingi ÍSÍ á
Akranesi síðastliðið haust, og samþykkt um tryggingamál íþróttahreyfingarinnar
sem afgreidd var á sama þingi.
Börn og íþróttir – yfirlit yfir afskipti umboðsmanns barna af málaflokknum.
16.3. 1995: Erindi berst til umboðsmanns barna þar sem bent er á þá staðreynd að
börn á aldrinum 7–15 ára séu yfirleitt ekki slysatryggð við æfingar eða keppni
utanhúss á vegum íþróttahreyfingarinnar.
5.4. 1995: Umboðsmaður barna ritar bréf til ÍSÍ og óskar eftir upplýsingum um
fjölda barna á aldrinum 7 til 15 ára sem slasast hafa við æfingar eða í keppni utanhúss
á vegum íþróttahreyfingarinnar undanfarin 5 til 10 ár, skipt eftir kyni, aldri og
íþróttagreinum.
22.5. 1995: Bréf sent frá skrifstofu umboðsmanns barna þar sem erindi til ÍSÍ frá
5.4.1995 er ítrekað.
1.6. 1995: Umboðsmaður barna ritar formanni Slysavarnaráðs bréf og vekur
athygli á að hvergi sé hægt að fá heildartölur yfir slys á börnum. Jafnframt hvetur
umboðsmaður til þess að mótaðar verði reglur um samræmda skráningu slysa á
börnum svo unnt verði að gera forvarnir í slysavörnum barna bæði markvissari og
þýðingarmeiri en verið hefur.
3.7. 1995: Svar ÍSÍ við erindi umboðsmanns barna frá 5.4.1995. Í bréfinu kemur
fram að umbeðnar upplýsingar liggi ekki fyrir. Hins vegar sé það ótvíræð skoðun
Íþróttasambands Íslands að slysatrygging íþróttafólks á umræddum aldri, hvort
heldur er við íþróttaiðkun utanhúss eða innan sé mjög brýnt og aðkallandi vandamál.
Einnig kemur fram í bréfi ÍSÍ að slysatryggingar íþróttafólks samkvæmt lögum
um almannatryggingar nái eingöngu til fólks sem er orðið 16 ára. Þá segir orðrétt:
„Fjárútlát og fyrirhöfn hinna ótryggðu barna og foreldra þeirra hafa oft reynst
umtalsverð og mikið samband verið haft við ÍSÍ um, hvort og hvernig væri hægt að
ráða hér bót á“.
3.4. 1996: Umboðsmaður barna ritar bréf til Landlæknis og óskar eftir upplýsingum
um hversu algeng slys á börnum séu á íþrótta- og leiksvæðum sem þau sækja, hversu
algeng þessi slys séu miðað við önnur slys á börnum, hversu alvarleg slysin séu, við
hvaða aðstæður þau verði og hver sé orsök þeirra.
30.5. 1996: Umboðsmaður barna ritar framkvæmdastjóra ÍSÍ bréf og kemur á
framfæri ýmsum ábendingum sem embættinu hafa borist varðandi íþróttaiðkun
barna, bæði innan íþróttahreyfingarinnar og á vettvangi skólans:
* Slysatryggingar barna á aldrinum 7–15 ára.
* Slys í íþróttatímum grunnskóla.
* Aldur barna í keppnisíþróttum.
* Hæfni leiðbeinenda.
* Æfingatíma hjá börnum og ungmennum við íþróttaiðkun.
Umboðsmaður barna beinir því jafnframt til ÍSÍ að ábendingarnar verði teknar til
umfjöllunar á íþróttaþingi á Akranesi dagana 26.–27. október 1996.
4.6. 1996: Svarbréf framkvæmdastjóra ÍSÍ við bréfi umboðsmanns barna frá
3.5.1996. Þar kemur m.a. fram að á vegum ÍSÍ sé starfandi vinnuhópur sem hafi það
verkefni að gera tillögur til íþróttaþings varðandi keppni barna. Vitað sé að hópurinn
muni leggja það til að stórlega verði dregið úr keppni barna undir 10 ára aldri
BLS
83
SKÝRSLA UMBOÐSMANNS BARNA FYRIR ÁRIÐ 1997 SKÝRSLA UMBOÐSMANNS BARNA FYRIR ÁRIÐ 1997