ZINDABA ZAKHO MNGOMA: INGONYULUKA ... - UZSpace Home

4.6 Isiphetho
Kulesi sahluko kwenziwe ucwaningo olunzulu ngokuphothulwa nokukhishwa
kwethwasa. Kuliqiniso ukuthi urna amathwasa ezothwasa, awahlali isikhathi
esilinganayo kwamngoma kodwa kuya ngobukhali bedlozi lethwasa.
Amagobongo obulawu obumhlophe nawo anomthelela omkhulu ekwethwaseni.
Ubuvila nokukhuthala kwethwasa empilweni nje nakho kuba nobonakalayo
urnthelela. Uma ithwasa Iiyivila nedlozi liba yivila kodwa urna ithwasa likhuthele
nedlozi liyakhuthala. Lokho kuba nesandla ekwethwaseni nasekukhanyiseni
imihlahlo yethwasa.
Imicimbi yezangoma yenganyelwe kakhulu utshwala besizulu, ugwayi, isinemfu
kanye nempepho. Lezi zinto ziludobo lokuhlangana nabalele. Le micimbi
inezimbuzi, izinyongo, izinye kanye nezikhumba zokwenza iminqwambo
neziphandla kanjalo nenkomo ehlatshiswa isangoma uma sibuya ekuthwaseni.
Yonke imicimbi yezangoma iphathwa ngenkulu inhlonipho. Ithwasa Iihlala
lihlale bese liphupha ngomcimbi wokukhishwa kwalo. Kube sekubikelwa ikhaya
lakwabo, kumenywa izangoma ndawo zombili, kulungiselwa omkhulu umcimbi.
Kugaywa utshwala ndawo zombiIi. Udwendwe lwezangoma lube seluphuma luye
kubo kathwasa. Ngokuvamile lolu dwendwe, umthimba uphuma lapha kuhwalela
uya kubo lapha ezalwa khona. Ikhetho Iisuke selimi ngomurno selilinde
urnthimba ukuthi ufika nini.
Lolu dwendwe luphurna luphethe imithi uthwasa ayoqala ngayo iziko lakhe.
Amadlozi yiwo azifundisela ithwasa ukumba imithi yokwelapha. Yiyo-ke Ie
mithi ahamba nayo urna esebuyela ekhaya eseyoziqalela iziko lakhe. Uyise
wethwasa uphatha imbuzi enyongo yayo iyofika ihlanganiswe nenyongo yembuzi
evela kubo kathwasa lapho ezalwa khona, imbuzi yokurnamukela. lzikhumba
zazo zenza irninqwamho neziphandla kanti izinyongo nezinye zifuthwa zithwalwe
umngoma ekhanda.
90