ZINDABA ZAKHO MNGOMA: INGONYULUKA ... - UZSpace Home

muthi ufakwa izinzwani zeqhude elimhlophe nelibomvu, lezi zinzwani zivula
indlela eya phambili.
Ukushiswa kwempepho nokuthethwa kwedlozi kunjengomthandazo wokucela
izinhlanhla nenqubekela phambili yokusebenza okuhle okunempumelelo
kwendiki nendawe. Uma kukhulunywa nedlozi, ayisali impepho ezintweni zonke
ezenziwayo esizweni samaZulu. Impepho iyawamema amadlozi, iwenze alalele
izicelo ezenziwayo. Kushiswa impepho, kuthethwe idlozi, kucelwe izinhlanhla.
KuceJwa kulo indiki nendawe. Uma lowo onale mimoya eyintombazana,
uceJelwa umendo. Uma engowesilisa, ucelelwa ukuganwa. Igobongo leli
liphehlwa ngothi lomlahlankosi. Umlahlankosi ungumuthi omkhulu wamadlozi.
Ungumuthi ohlonishwayo osetshenziswayo ukulanda abantu abangasekho.
Ukusebenzisa umlahlankosi olunye uhlobo lokusondeza abaphansi ngoba
umlahlankosi ngumuthi wabo abangasekho. La magobongo adliwa amasonto
amathathu bese ephothulwa lowo onale mimoya yamandiki namandawe.
Lo moya wamandiki namandawe ungumoya owenza isinyama nesinyombo uma
ungagxotshelwanga imitombo. Imitombo imithi yokuphakamisa nokwehlisa Ie
mimoya. Amagobongo amandiki namandawe aphehlelwa ekhanda lalowo onale
mimoya ukuze Ie mimoya ihleleke, ivumele impumelelo nendlela eya phambili.
Uma 10 mcimbi wenziwe kahle, kuvela izinhlanhla.
Lo mcimbi udinga inyanga noma isangoma esikwaziyo ukuwenza. Ngesikhathi
ukhamba luphehlelwa ekhanda, ingwebu ichitheka isuka ekhanda yehle iye
iyofika ernzimbeni. lsangoma simhuqa ngayo ingwebu ebusweni, ezingalweni
nasezithweni ukuze amathongo anamathele kuye, ahambe naye, amsingathe.
Enye ingwebu uyayiphuza ukuze aphuzise amabutho emimoya esegazini kuye.
Uma ephuza Ie mitombo, usuke ephuzisa yona uqobo imimoya.
24