ZINDABA ZAKHO MNGOMA: INGONYULUKA ... - UZSpace Home

kuye ngezithako-ke ezisuke zisetshenzisiwe, uma
kwenziwa lezo zinkamba.
Kulolu cwaningo kuvela kaningi ukuthi ubulawu buyigugu lezangoma kanye
nabaphansi. Ubulawu lobu yibona obukhanyisa izindlela futhi yibona obenza
kubekhona ukuxhumana nangamaphupho, kwenza bona ubulawu. Abanye
babubiza ngesithundu sabaphansi ngoba yiwona muthi owenza ukuxhumana.
UKohler, (1941:17) uthi:
The isangoma regularly makes him vomit with
white medicines, and washes himselfwith them.
lsangoma sivame ukulihlanganisa
ngobulawu obumhlophe. Sibuye
ithwasa ngabo ubulawu obumhlophe.
ithwasa
siligeze
Ngaphandle kobulawu, izangoma zethembele kakhulu emithini yokubhemisa,
imithi ehlakaza ikhanda. Yahlukene kabili imibhemiso, kukhona obomvu kanye
noluhlaza. Obomvu wona uthakwa ngomkhwangu, undiyaza, uhlunguhlungu,
umhlakaza nekhanda lebululu. Umbhemiso oluhlaza wona uthakwa ngosinga
lwesalukazi, umlulama, uhlunguhlungu noqhume. Imibhemiso ilusizo olukhulu
empilweni yesangoma noma-ke empilweni yabantu phaqa. Kuke kwenzeke
umuntu engesona isangoma asindwe amahlombe umzimba ubophane. Lesi sifo
asilashwa ngokunye kodwa sidinga umbhemiso, athimule kuhlakazeke umzimba.
Omunye umuntu uthimula aze akhiphe amahlule, ngokunjalo-ke aphile.
Esangomeni kubuye kulungiswe nemithi yokuncinda ethakwa ngale mithi,
umpikayiboni, ugebeleweni, ngikhawuleni, mpunyumpunyu, umathinta
nohlabazihlangane. Ngaphandle kwemibhemiso kubakhona nemithi yokuncinda.
Iyimithi eqothiwe engamakhubalo. Le mithi isusa amashwa, ikhanyise izindlela.
Uma kuzoncindwa kubekwa udengezi emalahleni lushe luze lube bomvu,
kufakwe amanzana amancane, athi engena ebe ebila ngenxa yokushisa. Kuthelwa
la makhubalo kula manzana kushisa bhe, kushe iminwe, kuthi umuntu
43