ZINDABA ZAKHO MNGOMA: INGONYULUKA ... - UZSpace Home

Naye 10 mngoma othwasayo ufaka isiphandla esiwuphawu lokwamukeleka
komnikelo wakhe emathongweni. Uthwasa uhuqwa ngebomvu elixovwe
ngenyongo yemvuma. Ibomvu inhlabathi yemikhosi yabaphansi, inyongo
iluphawu lokunamathela kwabaphansi, inyongo nebomvu kubiza abaphansi
ukuze beze balikhothe ithwasa.
UKrige, (1936:307) uthi:
As soon as he recovers sufficiently a nqwambisa
goat will be slaughtered for the amadlozi and the
skin is cut into strips (iminqwambo) which the
patient will wear over the shoulders and
crosswise around the body, as doctors do.
Uma ithwasa selisinde ngokwanele kubulawa
imbuzi yokunqwambisa idlozi. Isikhumba sayo
sisikwa sibe samgaxo ogqokwa emahlomhe
ngokuphambana phansi kwamakhwapha.
Umcimbi wokunqwambisa wenziwa lingakabhuli. Le mbuzi, imbuzi yokuqala
evuma idlozi. Inyongo, ubuhlalu obumhlophe nebomvu kuyathathwa kuyofihlwa.
Liyohlala lihlale ithwasa, lisuke liyozifuna, libuye nazo lezi zinto ebelizifihlelwe.
Lokhu kuyindlela yokuqeqesha ithwasa. Leyo micwana yesikhumba sembuzi
sikhomba izinga elithe thuthu ethwaseni ukuthi selingaqala lifundiswe ukubhula
ngoba selinqwambile. Lokhu kulizinga elingenhlana ekuthwaseni, kuwukuqala
kokubhula kwethwasa. Ubuhlalu obumhlophe buboshwa ekhanda henze umyeko
wethwasa, bukhomba izinhlanhla futhi kukhanyisa izindlela zethwasa.
UKrige, (1936:306) uthi:
After this nqwambisa goat has been slaughtered
the initiate wil1 under the guidance of his
instructor begin to divine.
Ngemuva komcimbi wokunqwambisa ithwasa
selingaqala ukubhula ngaphansi kweso likayise.
50