ZINDABA ZAKHO MNGOMA: INGONYULUKA ... - UZSpace Home

Ulwazi lwemithi luya ngabantu, abanye bazi lena, abanye bazi leyaya. Ukuthakwa
kwayo nayo akufani kuya ngamaziko. Yingakho izinyanga zedlulana Esinye
singcono kunesinye, yindlela yokuthaka ehlukanayo bese yenza amandla
ahlukeneyo. Amazulu akuthola kudala ukuthi uma insizwa iphalaza ngoqhume,
iba nenhlanhla ezintombini. lvuleka nokukhuluma, ikhuluma into ezwakalayo
ezintombini. Emithini yamagobongo iyafakwa inhlanhlemhlophe. Njengoba
igama lisho, 10 muthi uveza izinhlanhla kulowo muntu owusebenzisayo, ukwenza
izinhlanhla kulowo muntu owusebenzisayo. Miningi imithi esetshenziswayo
ukwenza izinhlanhla, Eminye yale mithi yenza ugazi ezintombini futhi
nasezangomeni isetshenziswa ukudala izinhlanhla nokukhanyisa imihlahlo. Le
mithi iyizihlanzi zenhlanhla ezangomeni nasebantwini. Kukhona ibheka, lona
uma lixutshwe nemithi, lenza umuntu olisebenzisile abhekeke, abonakale.
UMsimang, (1975:308) uthi:
Ubulawu bamaziko ngamaziko nobamathwasa
ngamathwasa buyehlukana, kepha zonke
izinkamba zivame ukufakwa umuthi wenhlanhla,
ubani, ubhubhubhu, umadlozana noqhume.
Ubulawu benzelwa ezinkambeni nasemagobongweni. Kuxutshwa imithi
emibalwa eyimithi yenhlanhla nokho ubulawu behlukana ngamaziko ngamaziko.
Ubulawu bungumuthi ohlonishiwe kwaZulu. Budidiyelwa ngazo zonke izingxube
ezinosizo imithi yenhlanhla nemithi ekhanyisa izindlela, Buthi bungahlanganiswa
ubulawu, benzelwe izinkatha zokububeka emsamo, benganywe ngabaphansi
noma ngabe umuthi wobungoma noma ngabe umuthi wezinsizwa ukuba zibe
zinhle ezintombini.
UHlongwana, (2007) ubeka kanjena ngemithi:
Mina ngisebenzisa umadlozana, iphahla,
umtholo, umphenduli, umnungurnabele, uqhume,