ZINDABA ZAKHO MNGOMA: INGONYULUKA ... - UZSpace Home

Laba bantu abangenwa yilo moya wamandiki
bonke bayaqhashaqhasha bahayize, bazamule,
babhodle, bahlabelele, badlalele ngendlela
engafani neyesangoma
Umuntu ongenwe umoya othile ubonakala ngendlela ahlabelela asine ngayo.
Umuntu ongenwe yidlozi naye uyehluka kumuntu ongenwe onemimoya
yamandiki namandawe, angahambisani nedlozi. Bahlabelela izingoma ezehlukile,
basine ngendlela eyehlukile. AmaZulu ayakwazi ukumbona umuntu ongenwe
yidlozi kanti futhi nonamandiki namandawe, babona umehluko okhona ekusineni
kwabo.
2.5.1 Inono
UNtombela, (2007) ubeka kanje ngenono:
lnono mumoya yabantwana abahamba
besebancane, lihambisana nedlozi lasemanzini.
Eminye yale mimoya ngeyamakhosikazi, eminye yayo eyabamnurnzane.
Kukhona nemimoya yabantwana abafa bebancane, nabo banohlobo lwabo
lokunakekelwa Lo moya wabantwana kuthiwa umoya wenono. Ungumoya
ongahluphi ngalutho. Utholakala njalo uhamba namandiki namandawe. Lo moya
ungumoya onobumnene njengoba ungumoya wabantwana abancane.
2.5.2 Amagobongo amandawe, amandiki nenono
NgokukaNtombela, (2007) uwachaza kanjena amagobongo:
Amandawe igobongo lamandawe lithakwa ngale
mithi, ubhubhubhu, umaguqu, uhlungunhlungu,
ibheka, igwayana nomphenduli.
Amandiki igobongo lamandiki lona lithakwa
ngale mithi; umayisaka, umaguqu, umphenduli,
ubhubhubhu, uhlunguhlungu nomnungumabele.
27