ZINDABA ZAKHO MNGOMA: INGONYULUKA ... - UZSpace Home

Isizwe isizwe ngamasiko namagugu aso. Isizwe sikaZulu siyafa sibulawa
ukungazi. Wonke umZulu ongurnZulu kumele asukume abambe iqhaza ngoba
akwedlulwa ngendlu yakhiwa Thina bantu abazalwa emizini yesiZulu simelwe
ukucobeleia isizwe sethu ngamasiko ethu asephelile nentshisekelo isizwe ukubona
abantu bakithi besonge izandla bebona amanzi engena endlini.
Sinale nkinga yale ngculazi engaziwa namvelaphi yayo. Uma izangoma
zingayizo, zingalikhomba ikhambi layo. Izangoma zaziqagula izinto ezinkulu,
zazingehluleki. Inqobo-nje uma kwenziwe isakhiwo sazo esiyiso zizoyikhomba
indlela, siyilandele. Ziyolithola ikhambi lengculazi. lzanuse zazisiza ngisho
ekukhombeni inyanga eyayilapha izifo ngezifo. Pho singazilahla kanjani
izangoma zethu? Babeyikhomba indlela ondlela zinuk' umswani. Belixhumanisa
ngempela izwe Iabaphansi nelabaphezulu abasadla amabele. Ukulahlekelwa
yileyo milayezo kungasibekaphi isizwe? Kwakuthi ungafika umlayezo
ngabanamanga, kubanjwe iziphongwana kushwelezwe, wedlule umshophi.
Namuhla amashwa aqeda isizwe. Into ebikhuzeka ayisenzeki ngoba izangoma
ziya ngokuya zinyamalala
Zaziyazisa izangoma inhlonipho. Bezizila ukudla okuthize ngezikhathi ezithile.
Lolo Iwazi lungafundisa isizwe ukuzithiba into engasekho esizweni sakwaZulu.
Abacwaningi besifo sengculazi bathi ukuzithiba nokungayi ocansini kulikhambi.
lzangoma zazikwazi lokho futhi zazikwenza Babengadli noma yini noma kuphi.
Babefundiswa ukuziqoqa, Uma isangoma uhlangana naso sizithoba size siguqe
ngamadolo phansi kanti leyo nhlonipho eyenza urnZulu abe ngurnZulu ophelele.
1.5 Indieia yolruqbuba ucwaningo
• Izincwadi ezinalolu Iwazi aziziningi kuyaphi nezikhona ezimbalwa
ezibhalwe abantu bezinye izizwe. Nokho ziyosiza ekubeni yisisusa
socwaningo. Singabonga-nje nakubo labo babhali ngoba baliphonsa itshe
esivivaneni. Kuzovakashelwa imitapo yolwazi, kufundwe kokubhaliwe
5