ZINDABA ZAKHO MNGOMA: INGONYULUKA ... - UZSpace Home

mimoya isetshenzwe kahle, ayibi isigulo kumuntu emngenile kodwa iba yimpilo
kuye. Abantu bakwaZulu bayazi ukuthi impumelelo yale mimoya
isekubambisaneni kwayo kulo muntu emngenile. Yingakho kuthakwa imithi
emagobongweni ezokwenza Ie mimoya ivumelane ibambisane. Okunye
ukubambisana kudalwa izinyongo zezimbuzi ezithakwa emagobongweni. Konke
kuhlangana kwenzeke impumelelo.
UNkosi, (2007) uthi:
Lowo umoya ohamba nedlozi, ogogo nomkbulu
abadala abadinga ukukhanyiselwa -
ngamagobongo abo axube uhlunguhlungu,
iphahla, umtholo, umphenduli, umnungumabele
noqhume, inhlalanyosi, umlahlankosi kanye
nomganu.
Ulwazi Iwemithi yokugxoba amagobongo emimoya lusemqoka kakhulu. Imimoya
inozwela kakhulu ifuna yonke yonke into eyenzelwayo ibe ehlambulukeleyo
neqondanisiwe. Uma kwenziwa ingxube yemithi yamagobongo, kudinga yenziwe
umuntu okwaziyo ukuyixuba futhi enezizathu zokuthi kungani efaka ixolo lalo
muthi eyeka leliya Njengohlunguhlungu lungumuthi wenhlanhla Kunesizathu
esibanga ukuthi lungafakwa kakhulu ngoba luyayona leyo nhlanhla, lwenze
amashwa, Umuntu onolwazi uluthi caphu kancane, alufake ezithakweni zakhe
njengomtholo ababuye bambize ngokuthi uzul'azayithole. Lo muthi unamandla
okukhanyisa izinto ezifihlekileyo. Uma uyingxenye yemithi efakwe
egobongweni, uyakhanyisa ucacise izimfihlo.
Umoya wamandiki namandawe uyendiswa uma intombazana isiyogana, Le
mimoya idinga ukubikeIwa ngawo amagobongo. Kuhlatshwa imbuzi kubo
kamakoti ancanyiswe, aze amukelwe ngayo imbuzi emzini, aqholiswe kwenziwe
udwendwe lwemimoya Umoya odinga ukubikelwa yonke into eyenzekayo
kumuntu wayo noma uyintombazane noma ungumuntu wesilisa, Kudinga
imimoya ibikelwe uma kukhona izigaba angena kuzo lowo ongenwe yile mimoya.
22