ZINDABA ZAKHO MNGOMA: INGONYULUKA ... - UZSpace Home

kanjalo notshwala buba ngangamanzi okuphala izikhumba. Kulungiswa imvunulo
nakho konke okufanele umcimbi onjenga lona.
Izimbuzi lezi ezihlanganisiwe zigunyaza amadlozi ukuba asebenze ngokuzwana
ngoba sekwabonakala ukuthi umuntu akabhuli ngedlozi elilodwa kodwa ubhula
ngenhlanganisela yamadlozi. Uyise wethwasa uza nokhamba lotshwala
osekufakwe kulo izinyongo zazo zonke lezi zimbuzi.
lobu tshwala,
Ithwasa liphalaza ngabo
UMsimang, (1975:309) uthi:
Phela isangoma asibhuli ngedlozi elilodwa kepha
ngamadlozi amaningi ayinhlanganisela kukhona
ngisho awasekhaya konina, nawasewalo, uma
ithwasa seliganile, kanye-ke nawakubo lapho
ezalwa khona. Manje-ke ukuze onke la madlozi
ahlangane ezwane asebenze into eyodwa
kufuneka ahlanganiswe ngezimbuzi.
Amadlozi angena umuntu angamabutho ngamabutho kuye ngokuthi avelaphi.
Amanye awasekhaya kubo kwethwasa kanti amanye awakomalume, amanye
engawasemzrm uma ithwasa seliganile kodwa kungenzeka engavumelani
ernzimbeni wethwasa ngakho lokho aIigulise ithwasa lelo. Kudingeka
ahlanganiswe ngezimbuzi enzelwa kuyo yonke imizi ethintekayo. Lokhu
kuyosiza ukwehlisa ulaka lwamadlozi nokwenza ukuba asebenzele impumelelo
ewonke ngoba azobe esehlanganisiwe.
Kuba nesikhathi lapho ithwasa liphupha khona, amaphupho athi uma ewaxoxela
uyise, umakhosi abone ukuthi la maphupho asho isikhathi sokuhlanganisa idlozi.
Uyise wethwasa ubiza abakubo kwethwasa ababikele ukuthi sekuyisikhathi
sokuhlanganisa idlozi. Kuyavela-ke ukuthi ithwasa lingenwe amadlozi emindeni
eminingi. Umndeni ngamunye ukhipha imbuzi. Kukhonjwa usuku lodwendwe,
kumenywe izangoma kube ezangakubo kwethwasa (umthimba) nezangakubo
kayise (ikhetho). Kuyophunywa ngehubo lezangoma kuyiwe kubo kwethwasa.
54