ZINDABA ZAKHO MNGOMA: INGONYULUKA ... - UZSpace Home

ngayo ngoba zikhona izinto esingahambe sizicosha endleleni esahamba ngayo
siya ezweni lempucuko yaseNtshonalanga.
Umphakathi uhluphekile, amasiko alahliwe nendlela eya phambili ayazrwa,
Kwakungeke kube nje ngoba izangoma, izinyanga zaziyazi indlela. Njalo uma
sekunzima, zaziqhamuka njengesixazululo sengxaki eyayibhekene nabantu.
Manje-ke ziphi? Zibukelwe phansi kanti ziphethe ubhaqa lokukhanyisela isizwe.
Umhlaba ugcwele izangoma esezadla imbumba kanti ezakithi zazingayidli
imbumba. Imbumba phela iyaphuphisa esangomeni, ilishaya ilibhuqe idlozi.
Zazingayikhankanyi nakuyikhankanya imbumba izangoma, yayingekudla kwazo.
Buhle lobu bulungu esiyibo kodwa abuphelele. Bungaphelela kanjani ubulungu
esingabuncelanga? Asibuyele emuva, sizwe nangahadala, sifunde nasezincwadini,
sicwaninge nasezakhiweni ezasala kwahasendulo ukuthi yayinjani impilo
yasemandulo. Imibhalo yethu yasendulo ibhalwe ngabelungu. Kokunye
babengaqondi kahle hIe ukuthi amaZulu ayeqondeni ngezinto ezithize kodwa leyo
mibhalo iwutho olusemqoka ngoba ucwaningo lungasukela emaqinisweni
aqukethwe yileyo mibhalo. Abadala bethu naho bawumthombo ojulile wamagugu
esizwe sethu.
1.3 Izinhloso zocwaningo.
• "Itshe limi ngothi Nkombose kahaba! Majuba nizithutha," yasho njalo
inyoni yasendulo izinyoni zisayixoxa indaba zishaya isiZulu sazo, leyo
nyoni yayixwayisa. Lolu cwaningo luhlose ukuxwayisa amaZulu ukuba
avule amehlo nokugqugquzela ukuba zibuye emasisweni. Masiphile
ngawethu amasiko.
• Njengoba ulwazi Iwezinto luphela, indlala yolwazi imi ngenhla. Lolu
cwaningo luhlose ukusiza labo bantu ahanhliziyo zabo zivuma ukubuyela
ekhaya lapho sivela khona.
3