ZINDABA ZAKHO MNGOMA: INGONYULUKA ... - UZSpace Home

USibiya, (2007) yena ubeka kanje:
Amadlozi abantu abadala asebadlula emhlabeni,
abayizidalwa zekhaya, Umuntu nomuntu
unesidalwa sakhe azalwa naso.
Abantu bakwaZulu balinika inhlonipho elifaneleyo idlozi. Benza konke
okusemandleni ukuveza ukuzithoba phansi kwawo. Le nhlonipho ize yenza ukuba
babe namagama amanye abalibiza ngawo idlozi. Ungabezwa bethi abadala,
izinyandezulu noma izithutha, Le nhlonipho amadlozi ayithola ngenxa
yemisebenzi yawo eyaziwayo. Yiwona avikela amakhaya ezifweni
ezinhlobonhlobo. Amadlozi alusa umuntu ngomuntu womndeni. Yiwo futhi
amadlozi apha abantu bomndeni izinhlanhla ezibafaneleyo. Umoya wedlozt
ungumoya ongabonakali kodwa ungumoya owaziwayo ukuthi ukhona phakathi
kwekhaya Lo moya uke usebenze sewubonwa ngabantu bonke uma usudumbe
omunye womndeni ufuna ukusebenza ngaye. Umuntu ongenwe idlozi
uyahlonishwa kakhulu. Empeleni abantu abahloniphi yena kodwa bahlonipha
abantu abadala abamngene. Ubezwa bethi umakhosi noma bethi indlondlo, besho
10 muntu ongenwe abaphansi.
Ulllongwana, (2007) uthi:
Idlozi liyinto eyimfihlakalo egazini lomuntu
ngoba uyagula isikhathi eside kungazeki ukuthi
uphethwe yini. Mina nje ngagula eside isikhathi
ngaze ngayohlala nenyoka ehlathini. Lo moya
wedlozi wangenza ngakwazi ukukhipha izinto
ezimbi ezazigqitshwe egcekeni ekhaya, kwaba
yima abasekhaya bebona ukuthi ngingenwa
yidlozi.
Umoya wedlozi ungumoya ozifihlayo, Lo moya ungena ngokugula, okuphatha
umuntu angasindi. Ugula isikhathi eside kuzanywa imizamo yonke kodwa
ingasebenzi. Omunye usiwa ezinyangeni angasizakaIi noma esiwa kodokotela
adlule angasizakali. Idlozi lisuke likuye egazini kodwa lizifihlile, kuze kube mhla
libhobokayo. Omunye umuntu uthi kanti uyagula kodwa abe nesipho nomoya
10