ZINDABA ZAKHO MNGOMA: INGONYULUKA ... - UZSpace Home

Ngaso lesi sikhathi ithwasa liyaqala ukuba abaphansi balembulele imithi
emaphusheni. Kokunye ithwasa liyanyamalala amalanga lifuna Ie mithi
njengokuyalelwa kwalo abaphansi. Lithi ithwasa lilele, likhonjiswe yonke imithi
elizosebenza ngayo..
Uma kufika abantu abazobhula, uyise uyaye adedele wona amathwasa ukuba
akhanyise imihlablo. Lokhu akusho ukuthi uyise akasezukubhula njengoba abantu
bebevele beze kuye. Uzobhula kodwa lokhu kudedela amathwasa abhule kusuke
kuluqeqesho olunzulu. Amathwasa abhula ngokudedelana, Lingena ngalinye
endlini okubhulelwa kuyo. Uyise usuke elalele ngendlela ebukhali ukuze ezwe
ukuthi iliphi ithwasa eselivuthiwe eselingakwazi ukuzimela ngokwalo. Akekho
umuntu ophikiswayo noma ephaphalaza Uma leli ziko kuliziko elivumisayo,
umehluko uba sekwehleni kwezwi uma uthwasa ephaphalaza kanti uma eyihlaba
esikhonkosini bavuma baze bame nangezinyawo. Uyajabula umngoma
ngamathwasa akhe asekhanyelwa imihlahlo. Lawo angakaboni nawo
awumsebenzi wakhe ngoba vele eza ezokwethwasa, uba esefaka ubulawu
obuzokhanyisa izindlela,
UKrige, (1936:306) uthi:
During this period, too, he will go out looking
for medicines revealed to him in dreams and will
disappear for days at a time.
Ngaso lesi sikhathi ithwasa lizohamba liyobheka
Ie mithi eliyikhonjiswe emaphusheni bese
liyanyamalala izinsuku liyofuna irnithi,
Uma imihlablo yethwasa izocaca, libonakala ngokuba lihlushwe amaphupho
acaciswa nguye uyise. Kungaba ngamaphupho lapho kukhona abantu
abakhulumayo bemlayela imithi futhi besho nendawo lapho eyoyithola khona,
Maningi-ke namanye amaphupho angamcaceli kodwa acaciswa nguyise. Eminye
yale mithi isuke ikhonjwa kude, ithwasa lihamba izinsuku liyoyifuna Alihlupheki
51