ZINDABA ZAKHO MNGOMA: INGONYULUKA ... - UZSpace Home

1.0 ISETHULO SOCWANINGO
1.1 Isingeniso
ISAHLUKO SOKUQALA
Zindaba zakho mngoma! Shayani ngizwe bot Siyavuma! Shayani ngizwe bot
Yizwa Mngoma. Yizwa! Yizwa Mngoma. Lezi ziqubulo zazingeyona into
eyivela kancane kwaZulu emandulo. Zazishiwo sekonakele, sebuchitheke
bugayiwe. Sekufe ·gula linamasi. Umkhuba wawungayekwa nje kodwa
kwakuthathwa izinduku kuyiwe kwabanamanga. UZulu kaMalandela
wayethembele kubangoma. Yibona ababengabaxhumanisi phakathi komhlaba
wabalele nomhlaba wabaphilayo. Miningi irniga ehlasela irnizi yamadoda.
Izangoma yizona ezaziphethe ubhaqa zikhanyisa, zixhumanisa izwe lezithutha
nalabo abasadla amabele.
Izangoma ezingayidli imbumba zazimbeka obala umkhunkuli oseqede uzalo,
ephehla amanzi amnyama. Zazibukhali izangoma, zifundiswe ukukhanyisela
uZulu uma kwenzekile kwanempicabadala, beziyiqaqa futhi zikhombe nenyanga
engayiqaqa leyo nkinga ngamakhambi ayo. Zazingayiphathi irnithi izangoma.
Zazingelaphi muntu kodwa zazinayo imithi yokuthwasisa, zibhemise amathwasa.
Zaziwusizo izangoma ekukhanyiseni nasekuxhumaniseni imihlaba emibili,
owethu nowezithutha. Babeqaqa izimfthlo ezingeqondwe muntu. Wawungeke
wakhe umuzi ungenayo inyanga yawo nesangoma sawo. Ngisho amakhosi
akwaZulu oselwa ayenazo izinyanga nezangoma zawo.
Kwakulukhuni ukuphila ezweni elingenamyalezo wobabamkhulu ngenxa
yokuhlonga kwezangoma. Uma abaphilayo bonile bezwa ngezangoma,
bashweleze, irnpilo iqhubeke. Uma izangoma zingekho, ubani ongadlulisa izwi
labangasekho kwabaphilayo? Bakhona abantu abanawo umoya wobungoma.
Inkinga iba lapha sebebhenyiswa imithi namasiko angagcinwa kable zize-ke
1