ZINDABA ZAKHO MNGOMA: INGONYULUKA ... - UZSpace Home

Zimbili izinhlobo zempepho, kukhona impepho emnyama nempepho emhlophe.
Impepho emnyama ishiselwa ukuxosha imimoya emibi. Imicimbi yezangoma
kuyenzeka ithikanyezwe ngamathunzi amnyama, izangoma ziyakwazi lokhu.
Zishisa impepho emnyama ukuxosha amathunzi. Emva kwempepho emnyama
kushiswa impepho emhlophe evula izindlela zesangoma engurnxhumanisi
wesangoma kanye nethongo laso.
UMhlongo, (2007) uthi:
Ukukhishwa kwethwasa kusuke kusho ukuthi
seliphumile ebuthwaseni kodwa selingene
ebungomeni obuphelele. Isangoma sibhula
kanje: Umngoma ubhulela endlini yakhe kodwake
kunganoma kuyiphi indlu abakhuleke kuyo.
Kufanele bakhuleke besekude bathi: 'Makhosi'
noma bathi: 'Zindaba zakho mngoma.'
Kufanelekile ukuba abantu abazobhula bakhuleke ukuze bazibike edlozini libazi
ukuthi sebekhona futhi beze kulo. Bathi bangakhuleka sishintshe isangoma
silungele ukubhula. Silungela ukubhula ngoba kukhulekiwe. Ukukhuleka yikhona
kuzethula kwabantu abazobhula. Uthatha umshayelo umngoma ashayele, andlale
isikhumba noma ucansi abhulela kulo. Ushisa impepho odengezini olusemsamo,
abheme ugwayi wamakhala ngendlela yezangoma yokuwuthintithela phansi osele
esandleni, usuka lapho avunule alungele ukuqaqa izindaba zababhuli.
UNkosi, (2007) yena uthi:
Bathi abantu bangakhuleka isangoma sikhiphe
idlelo sintongele, sithimule, sibhonge, sithathe
umshayelo sishanele. Sithathe iminqwambo
sembathe, sihlale esiceshini saso. Ezinye
izangoma ziyavumisa zithi: 'Siyavuma!' 'Ingani
nize ngomkhubaT bathi abantu: 'Siyavuma!'
Uyowulanda-ke wonke 10 mkhuba aze alikhiphe
iqiniso anuke ofanele ukunukwa.
96