ZINDABA ZAKHO MNGOMA: INGONYULUKA ... - UZSpace Home

isangoma. Uma sesibhemile siwuchitha siwuthuntuthele phansi oseleyo,
sibhemisa amathongo.
UMsimang, (1975; 308) ufakaza uthi ngobulawu;
Ubulawu bamaziko nobamathwasa ngamathwasa
buye buyehlukana; kepha zonke izinkomba
zivame ukuba zifakwe umuthi wenhlanhla,
ubani, ubhubhubhu, umadlozana noqhumo.
Imvama idlozi libhoboka ebusuku noma kungemgomo nokho lokho nasemini
idlozi liyabhoboka. Idlozi libhoboka noma ngabe umuntu usegule isikhathi eside
eselubhaca kodwa mhla libhoboka uvuka phansi abe nawo namandla
okuzihambela aze ayofika kumngoma othwasisayo. Lokhu kubhoboka kusho
ukuqhuma kwedlozi ngokuhayiza okuxubene nokugijima futhi eboniswa yilo
idlozi lapho kufanele aye khona. Uthi angafika kulo muzi, ahlangatshezwe
amanye amathwasa, uyahlahelela, uyasina. Uyise wamathwasa yena uyabika
emsamo ngokushisa impepho ukufika kwaleli thwasa, abuye alungise ubulawu
obuzophuzwa yithwasa elisha ngoba lisuke lisangene, bayaliyeka baze behle
abaphansi, lihleleke kube yima belibuza ukuthi lingelaphi uma belingahambisani
namuntu ozolichaza. Ayiminingi imithi yamathwasa, kuba yibo ubulawu kanye
nemithi yokuncinda, eyokugeza nokuphalaza.
UMsimang, (1975: 306) ufakaza ngokubhoboka kwedlozi uthi;
Ukubhoboka kwedlozi ilokhu ukuba kuthi khona
ebusuku njalo lona ogulayo ezwakale esesina
yedwa. Usina njalo uyahayiza kokunye
uyabhonga. Abakubo sebezoqonda-ke ukuthi
uguliswa yidlozi.
Kuba yizinsukwana nje ithwasa lifikile bese kuqala ukuxhumana phakathi
kwesangoma esithwasisayo nabakubo kwethwasa. Kulokhu kuxhumana kusuke
kukhulunywa nangenkokhelo yokuvula izikhwama, ugxa.
120