ZINDABA ZAKHO MNGOMA: INGONYULUKA ... - UZSpace Home

UNtombela, (2007) uthi:
Uyabikwa emsamo kwamakhosi anikwe imithi
ozohamba nayo, unikwa namathambo uma
uthwasa eyisangoma esizobhula ngamathambo.
Kusuke sekufike ekugcineni isangoma esethwasisayo sisuke sesenze konke
ebesingakwenza. Sisuke sesisebenzise zonke izinhlobo zobulawu bokukhanyisa
izindlela zethwasa. Futhi kusuke sekufakazeleka ukuthi ithwasa seliqeqeshekile
ngempela, Seliyakwazi ukubhula futhi sekuyakhomba ukuthi nalo uqobo
selingazimela, Lesi isikhathi somcimbi wokuphothula ithwasa ukuze sibe
isangoma esamukelekile emphakathini kanye nakwezinye izangoma, Kuyabikwa
emsamo ngokushisa impepho, isangoma esethwasisayo sibe sesikhuluma sicela
kwabaphansi ukuba bahambe naye uthwasa eseyozimela, Umngoma othwasisayo
kanye nethwasa nezinye izangoma babuye bangene esibayeni, umngoma
othwasisayo abikele abaphansi ngokuphothulwa koqeqesho lukathwasa, amcelele
izinhlanhla kwabaphansi.
4.3 Amalungiselelo okukhishwa kwethwasa
Ekugcineni kokwethwasa kuhlangana imindeni yomibili, owakubo kwethwasa
kanye nomakhosi banqume usuku lomgidi, udwendwe Iwezangoma 10 mcimbi
nokukhishwa kwethwasa. Kuyaqala-ke kucwiliswe umbila namabele wokwenza
utshwala. Lokhu kwenziwa ndawo zombili. NgakwaMakhosi kumenywa
izangoma ezizophelezela uthwasa ngosuku olunqunyiwe. Ngakubo kukathwasa
kumenywa izangoma nezihlobo ezizohambela 10 mcimbi. Zithi uma sezisondele
izinsuku kugqakazwe imithombo, kucoyiswe, kufudunyezelwe, kuphekwe
utshwala. Bube sebuvutshelwa, buvovwe kuqondaniswe nosuku lomcimbi.
Okunye okulungiswayo imvunulo kathwasa, isidwaba uma eyinkosikazi,
inkonkoni eyakhelwe ngobuhlalu obumhlophe nobubomvu, imifece, umkhonto
nehawu. Unikwa amashoba ezinkomo nezinkonkoni.
74