ZINDABA ZAKHO MNGOMA: INGONYULUKA ... - UZSpace Home

Kuthi uma sebekhulekile, ashanele endlini, andlale isicephu noma isikhumba
abhulela kuso. Ube esembatha iminqwambo yakhe, afake imvunulo yobungoma,
aphathe inkonkoni yakhe. Omunye umngoma ubhula ehlomile ngomkhonto
nehawu. Izangonra zenza lokho okwenziwa emazikweni ezethwasa kuwo.
Njengoba amaziko engafani nazo zibhula ngendlela engafani. Futhi ukubhula
okuhlukile kuyenziwa idlozi elamngenayo uma nalo lelo dlozi lalibhula lihlomile
bonke abangoma abangenwe yilo bayobhula behlomile. Uzoqala-ke asho into
abantu abeze ngayo elokhu ethi: 'Vumani bo!' Uma eshaye emhlolweni bathi:
'Siyavuma!' lzindlela zesangoma zikhanyiswa nayimpepho. Kukhona impepho
emhlophe nempepho emnyama, Impepho yiyona mxhumanisi phakathi
kwesangoma nedlozi laso. Uma isangoma siqala umsebenzi wasesigodlweni
sishisa impepho, sidoba amehlo amadlozi ngoba iphunga lempepho liyawadonsa
amadlozi. Enye into isangoma esiyenzayo ngaphambi kokubhula sibhema ugwayi
wamakhala, asiwuqedi ugwayi isangoma, omunye siwuchitha phansi, sibhemise
abalele. Impepho nogwayi yikhona okwenza isangoma sibhule ngempumelelo.
UKrige, (1936:309) uthi:
To prevent the return of dimness of the inner
sight after the use ofthe black impepho, a doctor
uses white impepho. It is believe that this
medicine enables doctors to divine with
accuracy.
Ukususa amathunzi angabangwa impepho
emnyama, isangoma sisebenzisa impepho
emhlophe. lzangoma zikholwa ukuthi Ie
mpepho yenza isangoma sibhule kable futhi
kukhanye.
Isangoma sisizwa yibo ubulawu obumhlophe ukukhanyisa umhlahlo. Ubulawu
bucacisa amaphupho. lsangoma siphalaza, sigeze, sigqume ngabo ubulawu lobu.
Uma siphuza ubulawu, sisuke siphuzisa idlozi elikuso ukuze licacise izindaba
abantu abeze ngazo.
95