lubecker bergenfahrer - Hansischer Geschichtsverein

190 Aus dem Niederstadlbuch.
sammende, so he aldus lange gedan hefft, theren, dat de ergenante Clawes
wedderumme uth Norwegen hyr tor stede kamet. Hyrup heb ben siek de
erbenomede Hansz unde Cla wes vor siek unde ere erven under malckander
unde erer eyn den anderen der erbenomeden vullen masschup unde
selschup halven, ock van aller handelinge, copenscap unde rekenscap, de
se beth an dessen dach tosamende gehat hebben, wan sodane vorberorde
summe Hansze V reter off te synen erven betalet is, nu alsdenne unde denne
alse nu van aller forder tosprake unde namaninge to enen gansen vullenkamen
ende qwiteret unde vorlaten, darup in nenen tokomenden tyden
forder to sakende, to sprekende noch to manende sunder alle behelp unde
argelist. Hyr synt an unde aver gewesen van wegen Hansz Vreters
Clawes van Sottene unde Hans Meyer unde van wegen Clawes van deme
Borstelde Hinrik Peperlingh unde Mathias Molre. Actum 8. maji.1
2. Schelinge unde twedracht is gewesen tusschen Hansz Vreter
an de eynen unlle Clawesze Borsteide an de anderen syden, herkamende
van wegen der selschup unde vullen masschup, darinn se sick denne
hyrbevoren anno etc. 95 misericordia Domini 2 hadden gescheden, unde
derhalven sick nu nicht konden vordragen noch vorlikenj we1ckerer twiste
unde twische1icheit de erbenomeden parte vormiddelst todaet unde medebeweringe
erer beider frunde nageschreven in der güde unde fruntscup
entliken, gruntliken unde fruntliken syn vorlikent in nabeschrevener wise.
So dat Hansz V reter schal unde mach beholden de gansen seiscup unde
allent, wes dersulven se1scup tobehort an desse syden unde ock in
Norwegen, alle schulde, beyde wisz unde unwisz, wor unde by weme df'
syn, huser, staven mit allen eren tobehoringen to Bergen in Norwegen
syndet stavenware, ingedompte, huszgerade nichtes butenbescheden, so
dat Clawes Borste1t darsulvest to Bergen hefft gelaten. Darvan schal
Hansz Vreter edder syne erven betalen alle schulde, de de selschup
schuldieh is, sowol an desser syden alse aver zee in Norwegen, so dat
Clawes Borsteld vor sick unde sine erven deme ergenanten Hansze Vreter
edder synen erven desulven seiscup hefft vorlaten unde vorleth eme de
jegenwordigen in krafft desser schrifft. Hyr vor unde entjegen schal
Hansz Vreter edder syne erven deme genanten tlawesze van Borsteide
off te synen erven wedderumme gutliken geven unde vomogen achteynhundert
marck Lub. in nabeschreven termynen, alse up passchen erstkamende
unde nu kortes anstande 3 vyffhundert mr. unde up passchen'
darna negestfolgende anno etc. 97 averst vyffhundert marck unde up
1 Gefilg-f auf Geneiss beider Teile 1496 Märll 18.
2 Mai 3.
a 1496· Apr. 3.
, März 26.
Digitized by Google