LINGUA GALEGA E LITERATURA ESO

OBXECTIVOS
1. Ler un texto literario coa entoación adecuada e realizar o comentario correspondente seguindo
uns criterios establecidos.
2. Identificar a intención comunicativa dun texto e ser capaz de clasificalo segundo ese criterio.
3. Ampliar o vocabulario básico relacionado co corpo e recoñecer sinónimos.
4. Recoñecer semántica e formalmente os substantivos, identificar as súas clases e coñecer as
normas de formación do plural.
5. Recoñecer ditongos e hiatos e clasificar palabras segundo o número de sílabas e segundo a
posición da sílaba tónica.
6. Distinguir entre prosa e verso e recoñecer os tres xéneros literarios (narrativa, poesía e teatro).
7. Redactar textos propios seguindo determinadas estratexias creativas.
CRITERIOS DE AVALIACIÓN
1.1. Le con fluidez e coa atención adecuada un texto narrativo.
1.2. Comenta un texto narrativo seguindo uns criterios dados (comprensión, vocabulario, espazo e
tempo, personaxes…).
2.1. Recoñece as distintas clases de textos segundo a intención comunicativa coa que foron
escritos (narrativo, instrutivo, argumentativo, descritivo, conversacional, preditivo e
explicativo).
3.1. Utiliza en diversos contextos o vocabulario básico estudado.
3.2. Recoñece e busca sinónimos de palabras dadas.
4.1. Identifica os substantivos comúns e propios, concretos e abstractos, individuais e colectivos.
4.2. Forma o plural de substantivos dados.
5.1. Divide unha palabra en sílabas, identifica a sílaba tónica e recoñece ditongos e hiatos.
5.2. Clasifica as palabras en agudas, graves e esdrúxulas.
6.1. Clasifica textos literarios segundo o xénero ao que pertenzan e comenta os trazos que os
identifican.
7.1. Redacta un texto creativo a partir de dúas palabras dadas que non manteñen ningunha
relación.
COMPETENCIAS
- Competencia en comunicación lingüística
- Exercitar a capacidade lingüística a través da práctica da comprensión e a expresión de
diferentes textos.
- Levar as propias ideas e as conclusións do grupo sobre un tema á lingua escrita.
- Competencia social e cidadá
- Resolver conflitos de maneira pacífica e razoada.
- Autonomía e iniciativa persoal
- Extraer conclusións a partir duns datos previos.
- Elaborar fichas de lectura de maneira autónoma e autocrítica.
- Tratamento da información e competencia dixital
- Utilizar de maneira eficaz as novas tecnoloxías para obter información.
- Buscar información en soportes tradicionais (enciclopedias e dicionarios).