You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
GAZTERIA ETA KIROLA<br />
PRINTZIPIO INSPIRATZAILEAK<br />
Gazteak dira Euskadiren oraina, bere<br />
garapen sozial eta ekonomikoaren protagonistak<br />
dira, hortaz, herri gisa dugun<br />
balore nagusienetako bat. Herri gisa aurrera<br />
egin eta garatu nahi badugu, irmo<br />
eta ausart jokatu behar dugu gazteen<br />
alde, eurak entzun, lagundu eta elkarrekin<br />
egin bidea. Euskadiren etorkizuna<br />
eurekin batera eraiki.<br />
Pertsona gazteek aldaketarako bereziki<br />
irekiak diren kolektibo bat osatzen dute,<br />
eta gizarte eraldaketek eragina izaten<br />
dute beren bizitza baldintza, balore eta<br />
jarreretan. Hain zuzen ere, egungo testuinguruan,<br />
krisi ekonomikoaren eraginak<br />
nabarmenago jasaten dituen kolektiboa<br />
osatzen dute. Era berean, aldatzeko<br />
gaitasun handiena duen kolektiboa da<br />
gazteria, ideia eta ezagutza berriak eskainiz.<br />
EAJ-PNVren ustean, gazteria dugu gure<br />
gizarte kapitalik onena. Euskadik premiazkoa<br />
du belaunaldien ordezkapena<br />
azkartzea. Gazteria “ez gehitzearen”<br />
kostu sozial, ekonomiko eta kulturala<br />
oso handia da. Gazteria esparru soziolaboralean<br />
benetan murgiltzea ahalik eta<br />
azkarren bideratzen badugu, lehenago<br />
erantsiko dugu bizigarria Euskadiren lidergoa<br />
berreskuratzeko.<br />
Gazteak beren bizitzaren eta etorkizunaren<br />
benetako protagonistak direla<br />
sinetsita proposatzen dugu gazteriaren<br />
politika EAJ-PNVtik. Xede paternalistarik<br />
gabeko, ezta gazteak biktima bihurtzeko<br />
ere ez, eredu bat planteatzen<br />
dugu. Proposatzen ditugun konpromiso<br />
eta ekimenak gazteriaren esku dauden<br />
tresnak dira, beren etorkizunaren eraikuntzan<br />
protagonistak izan daitezen.<br />
Enplegua eta etxebizitza dira EAJ-PNVk<br />
gazteriaren politikan planteatzen dituen<br />
lehentasunezko bi ardatzak, ikerketa fidagarrienen<br />
arabera, horiek baitira gazteek<br />
bizitza proiektu independente bat<br />
garatu ahal izateko oztopo nagusiak.<br />
Ikuspegi horri jarraiki, 2017-<strong>2020</strong>rako<br />
Enplegu Planaren xede nagusia gazteen<br />
kolektiboa izango da, 20.000 gaztek lehen<br />
lan aukera izan dezaten jomuga.<br />
Euskadik irizpide propioa jabe den gazteria<br />
du, autonomoa, ekintzailea, partehartzailea,<br />
solidarioa; Euskadiren<br />
garapen sozial eta ekonomikoarekin<br />
konprometitua den gazteria izaten jarraitu<br />
behar du. Horixe baita gure balore<br />
eta etorkizuneko berme nagusienetako<br />
bat erkidego diferentziatu gisa.<br />
Euskal gaztearekin dituen konpromisoak<br />
betetze xedez jardungo du EAJ-PNVk.<br />
Beren heldutasunari zor diogun errespetua<br />
eta aintzat hartzea izango dugu<br />
abiapuntu. Gehitu egingo dugu, ikuspuntuak<br />
partekatu, ahaleginak koordinatu<br />
eta koherentzia eskaini gazteriaren politikei,<br />
maila sozialean eta administratiboan,<br />
gazteak eta ordezkatzen dituzten<br />
erakunde eta kolektiboak, eta gazteriaren<br />
eragile guztiak, entzuteko jarrera<br />
batekin.<br />
Bestalde, kirola dugu gizarte aurreratuen<br />
adierazpenik esanguratsuenetakoa.<br />
Estrategikoa da gizartearen garapen<br />
armonikorako, hezkuntzaren alorrean,<br />
ekonomian, aisian, turismoan funtzio garrantzitsua<br />
betetzen du, herrien identitatean<br />
duen eragina ahaztu gabe eta baita<br />
osasunean eta bizitza kalitatean ere.<br />
Euskadik kirol errealitate aurreratu bat<br />
du. Jarduera maila altuak, emaitza bikainak,<br />
inplikazio eta kirol eragileen partehartze<br />
altua dituen herrialde batean<br />
bizi gara. Halere, oraindik orain badago<br />
zer hobetzerik. Ildo horri jarraiki, EAJ-<br />
PNVn jabetzen gara kirolean eta jarduera<br />
fisikoan egin inbertsio oro era esponentzialean<br />
eragiten dituela onurak bai<br />
maila pertsonalean zein gizarte osoaren<br />
baitan.<br />
Egungo legeria moldatzea beharrezkotzat<br />
jotzen dugu, sortzen ari diren errealitate<br />
berrien aurrean egiturak egokitzea<br />
eta indarreko kirol sarea indartzea eta<br />
sendotzea. Horri esker, kalitate, bikaintasun<br />
eta aukera gehiago eskaintzeko parada<br />
izango dugu, kirolaren bidez faboratu<br />
ditugun euskal sustrai, balore eta identitate<br />
zeinuak galdu gabe. EAJ-PNVren<br />
iritziz, lurraldeen arteko eta instituzioen<br />
arteko koordinazioak eta kooperazioak<br />
kirol politikak hobetzeko eta optimizatzeko<br />
aukera eskaintzen dute.<br />
Kirolaren gaineko gizartearen eskaera<br />
etengabe ari da garatzen, eskakizun maila<br />
igo egin da, modalitateak zein praktikatzeko<br />
moduak. EAJ-PNVren aburuz,<br />
horrek kirol eskaintzaren planifikazio dinamikoago<br />
eta irekiago bat eskatuko du,<br />
kirol jarduera endelegatzeko era ezberdinetara<br />
egokituz eta herritarren beharrizanei<br />
eskaini zerbitzuarekin errespetu<br />
gehiago erakutsiz.<br />
Euskal kirolak, bere emaitza garrantzitsuekin,<br />
Euskadiren irudia eta kultura<br />
proiektatzen du nazioartean eta horri esker<br />
geure identitatea erakutsi dezakegu<br />
munduaren aurrean. Hobetze, ilusio, eta<br />
batzuetan, arrakastaren baloreak proiektatzen<br />
dituzten kirolarien kopuru altu<br />
batek kultura hedatzen du, bere zentzurik<br />
errealean. Kanpoko xedeen gainetik,<br />
ahaleginaren eta hobetze pertsonalaren<br />
garrantziaz ohartarazten diguten<br />
pertsonak baitira.<br />
149