You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
GENERO BERDINTASUNA<br />
PRINTZIPIO INSPIRATZAILEAK<br />
Berdintasuna, demokratikoa deitzen den<br />
edozein gizartek errespetatu eta sustatu<br />
behar duen giza eskubidea dugu eta<br />
gizarte osoari ekartzen dio onurarik.<br />
Berdintasunari esker, bai emakumeek<br />
bai gizonek beren garaitasun guztiak garatu<br />
ditzakete, eta erabakiak hartu genero<br />
estereotipoek inposatutako mugarik<br />
gabe. Errespetu, jakintza, ongizate eta<br />
demokrazia gehiago ondorioztatzen du.<br />
EAJ-PNVren iritzian, berdintasunak<br />
pertsona guztien autonomiaren garapenean<br />
laguntzen du esparru pertsonalean<br />
eta sozialean; balore solidarioak eta ez<br />
jerarkiakoak indartzen ditu, lankidetzan,<br />
elkarrenganako errespetuan eta autoritate<br />
pertsonalean oinarritutako harremanak<br />
ezarriz; zaintzetan ko-erantzukizuna<br />
sustatzen du: harreman afektiboak<br />
berdinetik berdinera eta aniztasuna<br />
errespetatuz garatu ahal izatea errazten<br />
du; eta horri guztiari esker demokrazian<br />
aurrera egiten laguntzen du, gizarte justuago,<br />
bateratuago eta garatuago bat<br />
eraikitzeko.<br />
Gure ahaleginek pertsona guztien artean<br />
benetako aukera berdintasuna garatzea<br />
dute jomuga. Bizikidetza proiektu sendo<br />
bat eraikitzeko, berdintasuna eta identitatea<br />
osagai nagusi gisa sustatzea izango<br />
da EAJ-PNVren konpromisoa. Aukera<br />
berdintasuna, emakumeen ahalduntzea<br />
eta, gizarte orekaren eta elkartasunaren<br />
eragile gisa, aniztasuna errespetatzea<br />
izango da gure apustua.<br />
Lotura estua dago berdintasun, bikaintasun<br />
eta berrikuntzaren artean. Jakin dakigu<br />
enpresek serio jokatzen dutenean<br />
berdintasunaren alde, ez direla bakarrik<br />
justizia sozialarekin enpresa konprometitu<br />
bihurtzen, beren errendimendua,<br />
kalitatea eta berritzeko gaitasuna hobetzen<br />
duten enpresak bilakatzen baitira.<br />
Hortaz, berdintasuna apustu estrategikoa<br />
dugu.<br />
EAJ-PNVren ustean, Euskadiren garapena<br />
aukera berdintasunetik bakarrik eraiki<br />
daiteke, eta oso bereziki emakume eta gizonen<br />
arteko lan aukerak eta baldintzak<br />
parekatuz. Jakintzak eta talentuak ezberdintasunak<br />
nabarmentzen dituzten mundu<br />
batean, erakundeek ezin dute beren<br />
aukeren %50 alferrik galdu. Emakumeek<br />
euskal enpresa sarean, eta jakintzaren<br />
ekoizpenaren eta garapenaren esparru<br />
guztietan ere, parte hartu ahal dezaten<br />
jardungo dugu, guztion ekarpenei esker<br />
bakarrik aberastu eta hobetu baitaitezke<br />
gizarte gisa ditugu erronka eta desafioei<br />
heltzeko gaitasunak.<br />
Beijingeko Biltzarretik eta Berdintasunaren<br />
Euskal Legea onartu zenetik aurrera<br />
pausu nabarmenak eman dira. Halere,<br />
aldaketok garrantzitsuak izan arren,<br />
oraindik ezin daiteke esan praktikan gizonek<br />
eta emakumeek eskubide berberak<br />
dituztenik. Bai gure herrialdean eta bai<br />
mundu osoan soldata ezberdina jasotzen<br />
dute emakumeek balio bereko lan bat<br />
egitearren, hortaz, emakume eta gizonen<br />
arteko soldaten etena irauli beharreko<br />
errealitatea da. Horretarako, ekonomia<br />
indartsuagoak eta gizarte jasangarriagoak<br />
eta generoaren ikuspegitik berdintsuagoak<br />
sortzen lagundu dezaketen<br />
politika ekonomiko eta sozialen alde lan<br />
egiteko konpromisoa hartzen dugu.<br />
Genero desberdintasuna dugu gizarte<br />
erronka nagusienetako bat, horren<br />
adierazpenik gorena eta basatiena<br />
emakumeen aurkako indarkeria da.<br />
Posible diren ahalegin guztiak jarri behar<br />
ditugu eskubideen urraketa horri<br />
amaiera emateko, emakumeen aurkako<br />
indarkeria gaitzesteko kontzientziazio<br />
soziala indartuz, batez ere belaunaldi<br />
gazteenen artean, eta haren jatorria<br />
azpimarratuz: emakumeen eta gizonen<br />
arteko ezberdintasuna. Lortu ahal izateko,<br />
ezinbestekotzat jotzen dugu abiarazitako<br />
ekimenak sendotzea eta estrategia<br />
berriak garatzea pertsonei tresna<br />
eta baliabideak eskaintzeko, indarkeria<br />
sexista ezagutu, antzeman eta borrokatu<br />
ahal izateko, hezkuntzaren arloa eta jarrera<br />
sexisten prebentzioa jorratuz, era<br />
guztietako erasoen aurrean rol aktiboa<br />
jokatzera bultzatuz eta baliabide egokiak<br />
eskainiz.<br />
Euskadi aitzindari da berdintasun politikak<br />
garatzean, EAJ-PNVren lehendakariak<br />
buru zituzten gobernuen bultzadari<br />
esker. Ildo horri jarraiki, erdietsitako<br />
lorpenak finkatzearen, eta gure gizarte<br />
eta herrialdearen garapenerako estrategikoa<br />
den gai horretan aurrerapen berri<br />
bat eragitearen aldeko konpromisoa<br />
mantentzen dugu. Genero Berdintasunaren<br />
Adierazlean Europako bost herrialde<br />
aurreratuenen artean bere postua<br />
finkatu eta hobetuko duen Euskadi<br />
bat nahi dugu.<br />
Berdintasuna,<br />
demokratikoa<br />
deitzen den<br />
edozein gizartek<br />
errespetatu eta<br />
sustatu behar<br />
duen giza<br />
eskubidea dugu<br />
eta gizarte osoari<br />
ekartzen dio<br />
onurarik<br />
197