Telegrafverket 2. halvår 1960 - Statistisk sentralbyrå

48
Ved utgangen av 2. halvår 1960 var i alt 11 peilarar i drift i meterbølgjebandet.
Radiofyret ved Flesland flyplass, som tidlegare har vori i prøvedrift, blei sett i permanent
drift 1. desember 1960. Vidare blei det sett i drift nye radiofyr på Stange ved Torp, Fjørtoft ved
Vigra og Vikan ved Værnes. Ved utgangen av 2. halvår 1960 var i alt 69 radiofyr i drift. Av desse
var eit i prøvedrift.
Kringkastingstasjonar for lydradio.
I 2. halvår 1960 blei det sett i drift 7 nye meterbølgje-kringkastarar for lydradio : Fauske
kringkastar på 0,25 kW, Melhus kringkastar på 5 kW, Tron kringkastar på 5 kW, Varanger
kringkastar på 5 kW, Voss kringkastar på 10 kW, Sauda kringkastar på lOW og Årdal kringkastar
på 8 W. Dei to siste er frekvensomformarar. Den tidlegare meterbølgje-kringkastaren på Voss på
0,6 kW blei sett i reserve da den nye kringkastaren kom i drift.
For spreidning over kraftlinene, blei det i Røldal sett i drift ein sendar på 1 kW.
Kringkastingstasjonar for fjernsyn.
Fjernsynet blei opna for offisiell drift 20. august 1960. Pr. 31. desember 1960 var i alt 12
kringkastarar for fjernsyn i drift på desse stadene : Oslo/Tryvasshøgda (2,3 kW), Bergen (10 kW),
Kongsberg (0,5 kW), Drammen (0,5 W), Oslo/Furuset (5 W), Gjøvik (5 W), Kongsvinger (0,5 W),
Larvik (0,5 W), Porsgrunn (0,5 W), Sandefjord (0,5 W), Skien (5 W), og Tønsberg (0,05 W).
Dei 9 siste var frekvensomformarar.
Dei oppgjevne effektane gjeld biletesendarane. Effekten for lydsendarane var 1/5 av effekten
for biletesendarane.
Forutan hovudsendaren på 10 kW, var det i Bergen ein reservesendar på 5 kW.